وسىدان ەكٸ كٷن بۇرىن 5 كيٸك اتقان براكونەرلەرمەن قاقتىعىستا اۋىر جاراقات العان «وحوتزووپروم» ٶب» رمقك ينسپەكتورى ە.نۇرعاليەۆ قازا تاپتى. بۇل تۋرالى قر اشم رەسمي ٶكٸلٸ سەكەن قالقامانوۆ فەيسبۋكتەگٸ پاراقشاسىندا جازدى, دەپ حابارلايدى "ۇلت اقپارات".
«بٷگٸن تاڭەرتەڭ «وحوتزووپروم» ينسپەكتورى ەرلان نۇرعاليەۆ ٶمٸردەن وزدى. ول 13 قاڭتار كٷنٸ قورعالجىڭ دالاسىندا ايۋاندىق تانىتقان 3 براكونەرمەن ايقاستان كەيٸن ٶمٸرٸ ٷشٸن سوڭىنا دەيٸن كٷرەستٸ. قازا تاپقان ازاماتتىڭ وتباسىنا قايعىرا كٶڭٸل ايتامىن. ول ٶمٸرٸنٸڭ سوڭىنا دەيٸن قازاق دالاسىنىڭ سيمۆولىنا اينالعان كيٸكتەردٸ قورعاۋ جولىنداعى بورىشىن ادال اتقاردى. ەرلان نۇرعاليەۆ سىندى ينسپەكتورلاردىڭ كٷش-جٸگەرٸنٸڭ ارقاسىندا 2015 جىلى جاپپاي قىرىلعان كيٸك سانى 215 مىڭ باسقا دەيٸن كٶبەيدٸ», - دەپ جازدى سەكەن قالقامانوۆ.
بۇعان دەيٸن قر اشم رەسمي ٶكٸلٸ سەكەن قالقامانوۆ قاراعاندى وبلىسىندا براكونەرلەردٸڭ سوققىسىنا جىعىلعان «وحوتزووپروم» ٶب» رمقك ينسپەكتورى ە.نۇرعاليەۆتٸڭ جاعدايى ٶتە اۋىر ەكەندٸگٸن ايتقان بولاتىن.
ونىڭ جانىن امان الىپ قالۋ ٷشٸن استانا قالالىق №1 اۋرۋحاناسىنىڭ دەرٸگەرلەرٸ كٷرەسكەن ەدٸ.
