UQK-nyń Qyzylorda oblysy jáne Baiqońyr qalasy boiynsha departamenti kiik múiizin satpaq bolǵan eki azamatty ustady, dep habarlaidy "Ult aqparat" vedomstvonyń baspasóz qyzmetine silteme jasap.
"Memleket basshysynyń brakonerlikke qarsy kúres boiynsha is-sharalardy kúsheitý jónindegi tapsyrmasyn oryndaý úshin 15 naýryzda UQK Qyzylorda oblysy jáne Baiqońyr qalasy boiynsha departamenti tyiym salynǵan janýarlar derivattaryn ótkizý áreketi kezinde eki azamatty qolǵa túsirdi. Protsessýaldyq is-qimyldar barysynda jalpy salmaǵy 160 kg bolatyn 641 dana kiik múiizi alyndy" - delingen habarlamada.
Oblystyq Orman sharýashylyǵy jáne janýarlar dúniesi inspektsiiasynyń derekteri boiynsha qylmystyq áreketten memleketke kelgen zalal 1,5 mlrd teńgege baǵalanyp otyr.
Sot kúdiktilerge qatysty qamaýda ustaý túrindegi bultartpaý sharasyn sanktsiialady.
Sotqa deiingi tergeý júrgizilýde.
