Brakonerlik jasaǵan 3 myńnan astam adam ustaldy. Bul týraly QR IIM resmi ókili Nurdildá Oraz málim etti, dep habarlaidy QazAqparat.
«Brakoner» jedel aldyn alý is-sharasy barysynda zańsyz daiyndalǵan 227 tekshe metr aǵash, 9,8 tonna balyq, onyń ishinde 1,5 tonna bekire, 17 kiik múiizi, 462 quqyq buzýshylyq jasalǵan qarý, onyń ishinde 142 birlik ańshy myltyǵy tárkilendi. Atalǵan faktiler boiynsha ekologiialyq zańdy buzýǵa qatysty 120 sotqa deiingi tergeý bastaldy», - dedi resmi ókil IIM baspasóz alańynda ótken brifingte.
Onyń atap ótýinshe, ákimshilik jaýapkershilikke 3 myńnan astam quqyq buzýshy tartylǵan.
«Zań buzý faktileri boiynsha memleketke kelgen shyǵyn somasy 21 mln teńgeden asyp túsedi. Máselen, Aqtóbe oblysynda Qyzyl kitapqa kiretin qaraǵashty zańsyz kesken azamat ustaldy. Batys Qazaqstan oblysynda sharýa qojalyǵynyń jumysshysy kiik óltirgen», - dedi Nurdildá Oraz.
