براكونەرلٸك جاساعان 3 مىڭنان استام ادام ۇستالدى. بۇل تۋرالى قر ٸٸم رەسمي ٶكٸلٸ نۇردٸلدە وراز مەلٸم ەتتٸ, دەپ حابارلايدى قازاقپارات.
«براكونەر» جەدەل الدىن الۋ ٸس-شاراسى بارىسىندا زاڭسىز دايىندالعان 227 تەكشە مەتر اعاش, 9,8 توننا بالىق, ونىڭ ٸشٸندە 1,5 توننا بەكٸرە, 17 كيٸك مٷيٸزٸ, 462 قۇقىق بۇزۋشىلىق جاسالعان قارۋ, ونىڭ ٸشٸندە 142 بٸرلٸك اڭشى مىلتىعى تەركٸلەندٸ. اتالعان فاكتٸلەر بويىنشا ەكولوگييالىق زاڭدى بۇزۋعا قاتىستى 120 سوتقا دەيٸنگٸ تەرگەۋ باستالدى», - دەدٸ رەسمي ٶكٸل ٸٸم باسپاسٶز الاڭىندا ٶتكەن بريفينگتە.
ونىڭ اتاپ ٶتۋٸنشە, ەكٸمشٸلٸك جاۋاپكەرشٸلٸككە 3 مىڭنان استام قۇقىق بۇزۋشى تارتىلعان.
«زاڭ بۇزۋ فاكتٸلەرٸ بويىنشا مەملەكەتكە كەلگەن شىعىن سوماسى 21 ملن تەڭگەدەن اسىپ تٷسەدٸ. مەسەلەن, اقتٶبە وبلىسىندا قىزىل كٸتاپقا كٸرەتٸن قاراعاشتى زاڭسىز كەسكەن ازامات ۇستالدى. باتىس قازاقستان وبلىسىندا شارۋا قوجالىعىنىڭ جۇمىسشىسى كيٸك ٶلتٸرگەن», - دەدٸ نۇردٸلدە وراز.
