Ortalyq kommýnikatsiialar qyzmetinde ótken brifingide QR Ekologiia, geologiia jáne tabiǵi resýrstar ministri Serikqali Brekeshev Bozjyra shatqalynda qonaqúi salý jobasy týraly pikir bildirdi, dep habarlaidy QazAqparat.
«Bozjyra shatqalynda qonaq úi salý máselesiniń ózine kelsek, ol jerde barsha zamanaýi talaptarǵa, sonyń ishinde ekologiial talaptaryna sai nysan salynýy kerek. Sondyqtan bul jerde eshqandai keri sipat joq dep oilaimyn. Óitkeni qonaqúi respýblika turǵyndary úshin, Mańǵystaý oblysynyń turǵyndary úshin de salynady. Nysan qurylysynyń kerisinshe mýltiplikativti áseri kúshti bolady. Týrzim damidy, jańa jumys oryndary ashylady. Meniń jeke pikirim boiynsha, ondai qurylystyń qajettiligi bar bolý kerek. Respýblikada týrizmdi damytý túsýdiń keleshegi bar deýge bolady», - degen ministr nysandy Bozjyra shatqalynan 5 shaqyrym jerde emes, 20-25 shaqyrym qashyqta salý kerektigi týraly sarapshylardyń paiymyna qatysty pikir bildirdi.
«Nysan men shatqaldyń arasyndaǵy qashyqtyq týraly mynany aita alamyn. Ázirge jobalaý-smeta qujattamasy ázirlenip jatyr. Qorshaǵan ortaǵa áseri de baǵalanady. Jalpy ekologiia saraptamasyn alǵannan keiin bul suraqqa jaýap berýge bolady», - dedi Serikqali Brekeshev.
