QR Energetika ministri Qanat Bozymbaev jańa ministrlikke basshy retinde taǵaiyndalǵan óziniń burynǵy orynbasary Maǵzum Myrzaǵalievke qatysty pikir bildirdi, dep habarlaidy QazAqparat tilshisi.
«Maǵzum Maratuly - tájiribeli basshy. Ol alty jyldan astam ýaqyt boiy Energetika vitse-ministri laýazymynda qyzmet etti. Bizde túrli salany qadaǵalady, onyń ishinde jer qoinaýyn paidalaný baǵytymen ainalysty. Sonymen qatar elimizdegi geologiialyq problemalardy da jaqsy biledi. Ekologiia máselelerin jaqsy túsinetin maman. Meniń oiymsha, Maǵzum Maratuly óte saýatty ári qazirgi zamanǵy talaptarǵa sai maman. Ol jinaqtaǵan tájiribesi men bilimi arqyly ózine júktelgen senimdi aqtai alady dep oilaimyn», - dedi Qanat Bozymbaev Parlament Májilisinde tilshiler saýalyna jaýap bere otyryp.
Eske sala keteiik, jaqynda QR Prezidenti Qasym-Jomart Toqaevtyń Jarlyǵymen Maǵzum Maratuly Myrzaǵaliev Qazaqstan Respýblikasynyń Ekologiia, geologiia jáne tabiǵi resýrstar ministri bolyp taǵaiyndaldy.
