QR Energetika ministri Qanat Bozymbaev orynbasary Anatolii Shkarýpanyń biýdjet qarajatyn urlaý kúdigine ilinýine qatysty pikir bildirdi, dep habarlaidy QazAqparat tilshisi.
«Eshteńe bilmeimin. Birinshi ret estidim. Bilýimshe, 2015 jyldary bolǵan jait. Al ol bizge jumysqa bir ai buryn ǵana keldi», - dedi ol Senattyń jalpy otyrysynan keiin BAQ ókilderiniń saýalyna orai.
Sonymen qatar, ministr orynbasarlaryn ózi taǵaiyndamaitynyn atap ótti.
«Ministr vitse-ministrlerdi taǵaiyndamaidy. Olar Úkimet qaýlysymen taǵaiyndalady. Ol - tájiribeli adam. Mán-jaidy sheshedi dep oilaimyn», - dedi Qanat Bozymbaev.
Aita keteiik, QR Bas prokýrory Qairat Qojamjarov Saran qalasynyń burynǵy ákimi, al qazirgi kezde Energetika vitse-ministri Anatolii Shkarýpa 2015 jyly 215 mln teńgeni jymqyrý kúdigine ilikken málim etken bolatyn.
