QR Energetika ministrligi Qanat Bozymbaev elimizde munaidy qaita óńdeý kólemi nelikten jospardan qalyp jatqanyn túsindirdi, dep habarlaidy QazAqparat tilshisi.
«Osy jyldyń 7 aiynyń qorytyndysy boiynsha munaidy qaita óńdeý kólemi 9,58 mln tonnany qurady. Bul ótken jyldyń tiisti kezeńimen salystyrǵanda 3,1 paiyzdyq ósimdi kórsetip otyr. Biraq, josparly kórsetkishke 1,2 paiyzǵa jete almadyq. Onyń sebepteri bar. Ózińiz biletindei, aǵymdaǵy jyldyń basynda benzin eksporty toqtap, munai-óńdeý zaýyttarynyń benzin rezervýarlary tolyp qalýyna bailanysty bolǵan. Biyl maýsym aiynan bastap benzin eksporty bastalyp, munai-óńdeý zaýyttary tolyqqandy jumys istep jatyr. Belgilengen jospardy jyl sońyna deiin oryndaimyz dep otyrmyz», - dedi Qanat Bozymbaev Úkimet otyrysynda.
Ministrdiń aitýyna qaraǵanda, munai óndirý kólemi boiynsha eshqandai qiyndyq joq.
«Munai óndirý salasynda josparly kórsetkishten qaraǵanda qarqyn 11,2 paiyzdan joǵary. Biyl 100 paiyz oryndaimyz dep kútilýde», - dedi Qanat Bozymbaev.
