قر ەنەرگەتيكا مينيسترلٸگٸ قانات بوزىمباەۆ ەلٸمٸزدە مۇنايدى قايتا ٶڭدەۋ كٶلەمٸ نەلٸكتەن جوسپاردان قالىپ جاتقانىن تٷسٸندٸردٸ, دەپ حابارلايدى قازاقپارات تٸلشٸسٸ.
«وسى جىلدىڭ 7 ايىنىڭ قورىتىندىسى بويىنشا مۇنايدى قايتا ٶڭدەۋ كٶلەمٸ 9,58 ملن توننانى قۇرادى. بۇل ٶتكەن جىلدىڭ تيٸستٸ كەزەڭٸمەن سالىستىرعاندا 3,1 پايىزدىق ٶسٸمدٸ كٶرسەتٸپ وتىر. بٸراق, جوسپارلى كٶرسەتكٸشكە 1,2 پايىزعا جەتە المادىق. ونىڭ سەبەپتەرٸ بار. ٶزٸڭٸز بٸلەتٸندەي, اعىمداعى جىلدىڭ باسىندا بەنزين ەكسپورتى توقتاپ, مۇناي-ٶڭدەۋ زاۋىتتارىنىڭ بەنزين رەزەرۆۋارلارى تولىپ قالۋىنا بايلانىستى بولعان. بيىل ماۋسىم ايىنان باستاپ بەنزين ەكسپورتى باستالىپ, مۇناي-ٶڭدەۋ زاۋىتتارى تولىققاندى جۇمىس ٸستەپ جاتىر. بەلگٸلەنگەن جوسپاردى جىل سوڭىنا دەيٸن ورىندايمىز دەپ وتىرمىز», - دەدٸ قانات بوزىمباەۆ ٷكٸمەت وتىرىسىندا.
مينيستردٸڭ ايتۋىنا قاراعاندا, مۇناي ٶندٸرۋ كٶلەمٸ بويىنشا ەشقانداي قيىندىق جوق.
«مۇناي ٶندٸرۋ سالاسىندا جوسپارلى كٶرسەتكٸشتەن قاراعاندا قارقىن 11,2 پايىزدان جوعارى. بيىل 100 پايىز ورىندايمىز دەپ كٷتٸلۋدە», - دەدٸ قانات بوزىمباەۆ.
