Energetika ministri Qanat Bozymbaev elimizde nelikten benzin baǵasy qymbattap jatqanyn túsindirdi, - dep habarlaidy "Ult aqparat" kaz.tengrinews.kz portalyna silteme jasap.
"Qysqy, jazǵy jáne maýsymaralyq dizel otyny bar. Qazaqstandaǵy zaýyttar qysqy dizel otynyn shyǵarmaidy jáne bizdiń zaýyttarda kez kelgen apattan dizel otynynyń baǵasy ózgermeidi. Sebebi benzin 100 paiyz Resei Federatsiiasynan importtalady", - dedi ministr.
Sonymen qatar, ministr Pavlodardaǵy munai óndeý zaýytyndaǵy apatqa qatysty túsinik berdi. Aitýynsha, zaýyttaǵy tótenshe jaǵdai dizel otynyń baǵasyna áser etken joq jáne Energetika ministrligi qysqy dizel otynyna eshqandai shekteý qoia almaidy.
"Benzin baǵasyn suranys pen usynys belgileidi. Bul burynnan kele jatqan ádis - qysqy dizel otynynyń baǵasy eshqashan ózgergen emes. "QazMunaiGaz" jazǵy dizel otynynyń baǵasy boiynsha ýádesinde turmai otyr. "QazMunaiGaz" juma kúni keshki ýaqytta 24-25 myń tonna otyn ákeldi. Jalpy, meniń oiymsha, elimizge osy ýaqytqa deiin Reseiden 80 myń tonna jazǵy jáne maýsymaralyq otyn ákelindi", - dedi ministr.
Onymen qosa, Bozymbaev elimizdegi munai óndirýshi zaýyttardaǵy kez kelgen jóndeý jumystary men apattardyń otandyq naryqqa birden áser etetinin aitty.
"Sonymen qatar, qazir biz úkimette dizel otynyn, benzindi jáne áýekerosindi rezervteý máselesin qarastyryp jatyrmyz. Búgin tańǵy ýaqytta (jiyn kezinde) maǵan jazǵy dizel otynynyń baǵasy shamamen 157 teńge, al maýsymaralyq otynnyń baǵasy 220-230 teńge ekenin baiandady", - dedi ministr.
Eske salaiyq, munyń aldynda QR energetika ministri Qanat Bozymbaev AI-92 benzini qashan arzandaitynyn aitqan edi. "Biz qazan aiynyń sońynda jáne qarasha aiynyń basynda benzinniń ortasha baǵasy litrine 160-161 teńge bolady dep eseptep otyrmyz. Iá, bul qymbat. Biraz biz onsyz Resei Federatsiiasynan benzin jetkize almaimyz. (...) Qarasha aiynda naryqta reseilik benzin azaiyp, Pavlodarda munai óndiretin zaýyttar ashylyp, barlyq ush zayt jumys isteitin bolady. Al qarasha aiynyń ekinshi jartysynda baǵa 161-162 teńgeden tómendeýi múmkin", - degen edi energetika ministri.
