«Bozoq tarihi-mádeni mýzei-qoryǵynda» ǵalymdar jinalyp Elbasy Nursultan Nazarbaevtiń «Uly dalanyń jeti qyry» maqalasyn talqylady.
Dóńgelek ústeldi ashqan mýzei direktorynyń mindetin atqarýshy Álisher Bespalinov Prezident maqalasynyń arheologtar men etnologtar úshin úlken múmkindik týǵyzyp otyrǵanyn aita ketti. «21 qarashada jariialanǵan Elbasy maqalasy jańa ashylyp jatqan «Bozoq» mýzeiine úlken kómek boldy. 22 qarashada Mádeniet jáne sport ministriligi alqasynda maqalaǵa bailanysty úlken jinalys ótti. Maqalanyń baptarynda tarihty túgendeý men mýzei isin jandandyrý týraly kóp dúnie aitylǵan. Dúniejúzimen bir sapta bolý úshin damýǵa qajetti nárse tarihi sanamyzdy jańǵyrtý. Ǵalymdar retinde jasópirimderge bolǵan tarihty naqty kórsete bilýimiz kerek», - dep atap ótti Álisher Tileýǵazyuly.
Dóńgelek ústel otyrysyna L.N. Gýmilev atyndaǵy Eýraziia ulttyq ýniversiteti men QR Bilim jáne ǵylym ministrliginiń Ǵylym komitetiniń Memlekettik Tarih institýty ǵalymdary qatysty. Talqylaýǵa qatysqan L.N. Gýmilev atyndaǵy Eýraziia ulttyq ýniversitetiniń arheologiia jáne etnologiia kafedrasynyń dotsentteri, tarih ǵylymdarynyń kandidattary Zyliha Ibadýllaeva men Áset Janysov jáne Memlekettik tarih institýty aǵa ǵylymi qyzmetkeri, tarih ǵylymdarynyń kandidaty Ainagúl Ǵanieva, «Bozoq tarihi-mádeni mýzei-qoryǵy» direktordyń mindetin atqarýshy Álisher Bespalinov, ǵylymi hatshysy Zúbáida Suraǵanovalardyń oilary bir jerden shyǵyp, qatysýshy ǵalymdardyń árbiri Elbasy maqalasynyń der kezinde shyqqanyn jáne aktýaldylyǵyn airyqshalap aitty.
Kemel Aqyshev pen Maral Habdýlinnanyń ǵylymi mektebiniń túlekteri Ainagúl Sabitqyzy Ǵanieva men Daniiar Tólegenuly Tileýǵabylov «Bozoq» tarihi-mádeni eskertkishin zertteýge belsene aralasqan ǵalymdar. Olar Prezident maqalasyndaǵy anyqtalǵan ulttyq arheologiialyq ǵylymnyń perspektivti mindetterinde kórsetilgendei «Bozoq» mýzeiiniń mańyzdy ekenin atap ótti.
Aita ketetin bolsaq, Qazaqstan Respýblikasy Úkimetiniń 2018 jylǵy 31 naýryzdaǵy № 150 qaýlysy boiynsha Qazaqstan Respýblikasy Mádeniet jáne sport ministrliginiń «Bozoq tarihi-mádeni mýzei-qoryǵy» respýblikalyq memlekettik qazynalyq kásiporny bolyp 2018 jyly 14 qyrkúiekte qurylǵan. Qazirgi ýaqytta bolashaqta salynatyn ashyq aspan astyndaǵy mýzei-qoryqtyń ǵylymi daiyndyq jumystary júrigizilip jatyr.
Memleket basshysynyń maqalasy jylqy mádenietin qaita qalpyna keltirý, ejelgi tehnologiialyq dástúrlerdiń úlgileri, salt-dástúrler men ǵuryptyq-rásimder týraly jańa murajai qurýdyń eń mańyzdy negizderi men nusqaýlarynyń biri boldy. Onda kelýshilerdi tolyǵymen Uly dala mádenietin sezindirý josparlanyp otyr.
.jpeg)