Foto: QR MAM
Halyqaralyq mýzeiler kúni qarsańynda «Bozoq» memlekettik tarihi-mádeni mýzei-qoryǵy «Aoaý aiasyndaǵy ańyzdar: túngi Bozoqqa saiahat» atty festival uiymdastyrdy. Is-shara Bozoq arheologiialyq eskertkishiniń aýmaǵynda ótti, dep habarlaidy Ult.kz.
Atalmysh is-shara kóne mýzyka, salt-dástúrler, ǵalymdardyń estelikteri men áńgimeleri arqyly ótkenmen bailanys ornatty. Kesh burynǵy zamandy eske túsiretin kernei men dabyldyń únimen bastaldy.
Murajai tarihynda tuńǵysh ret Qazaqstannyń qazirgi astanasynyń myń jyldyq tarihy bar Bozoqtyń ortaǵasyrlyq eskertkishin zertteýge arnalǵan alǵashqy ekspeditsiiaǵa qatysqan arheologtar «Ot jaǵý» rásimin ótkizdi. Jas ǵalymdar bir kezderi Qazaqstan arheologiialyq mektebiniń negizin salýshylardyń biri Kemel Aqyshevtyń jetekshiligimen jumys istedi.
Foto: QR MAM
Festival baǵdarlamasy dástúrli ánmen jalǵasty. Ortalyq kontsert zalynyń ártisteri Uly dalanyń materialdyq emes mádeni murasyn saqtaýdyń mańyzyn atap ótti.
Keshte ot basynda arheologtar men etnograftar qonaqtarǵa arheologiiaǵa bailanysty estelikter men ańyzdar aityp, týǵan jer tarihy týraly tyń aqparatty bólisti.
Aitylǵan áńgimeler ótken men búgindi bailanystyryp, túngi saiahatqa qatysýshylarǵa týǵan ólke tarihyna jańasha kózqaraspen qaraýǵa múmkindik berdi.
Is-shara sońynda «Otpen alastaý» dástúri oryndaldy, osylaisha ata-babadan qalǵan kieli dástúr jalǵasyn tapty.
