Májilistiń vitse-spikeri Vladimir Bojko aýyldan qalaǵa aǵylyp kelip jatqan jastardyń sanyn azaitý jaily sózin túsindirdi, - dep habarlaidy kaz.tengrinews.kz tilshisi.
Depýtattyń aitýynsha, ol bul sózdi aitqanda óńirlerde jaǵdai jasaý týraly, iaǵni, aýyldan keletin jastarǵa qala jastarymen birdei jaǵdai jasaý jaily oidy jetkizgisi kelgen.
"Tyiym saldy degen sóz - bas dese, qulaq deý. Men tyiym salý kerek (qalaǵa aýyl jastarynyń kelýine - avtor.) dep aitqanym joq, bul ár adamnyń konstitýtsiialyq quqyǵy. Mádeniet máselelerin sheshý, jaqsy aqsha beretin jumys taýyp berý, jaqsy infraqurylym jasaý", - dedi Bojko.
Sondai-aq, ol "Nurly jer" baǵdarlamasyna bólingen qarajattyń bir bóligin aýyldarda turǵyn úi jaǵdailaryn jasaýǵa baǵyttalýy jaily aitqanyn túsindirdi.
Depýtattyń aitýynsha, ol osy kúnge deiin Internette ózine qatysty aitylǵan túrli til tigizetin sózderdi oqyǵan.
"Bireýler tipti dóreki sózder jazyp, muny shovinizm dep aiyptap jatty. Menińshe, ol adamdar ózderin tanymal etý maqsatynda meniń sotqa deiin barǵanymdy qalaidy. Al men sotqa aryzdanbaimyn, men olardyń bul ádisin bilemin. Qazirgi ýaqytta aqparattandyrý týraly zańdy qarap jatyrmyz. Meniń oiymsha, dóreki pikirler jazatyn jáne Internette ózderin qalai bolsa solai ustaityn azamattarǵa osy áreketine jol bermeitin ýaqyt kelip qaldy", - dedi Vladimir Bojko.
Eske sala keteiik, osyǵan deiin Depýtat "Abý-Dabi Plazada" bolǵan tóbelesten keiin aýyldan keletin jastarǵa qatysty pikir bildirgen bolatyn. Aitýynsha, Astanada bolǵan tóbelesten keiin áleýmettik jelilerde aýyldardan kelgen jastardyń arandatýshylyq mándegi sózderi taralyp jatyr. "Sondai-aq, áleýmettik jelilerde oidan shyǵarylǵan jáne shyndyqqa janaspaityn arandatýshylyq mándegi málimetter taralyp jatyr. Ondai pikirlerdiń basym bóligi aýyldardan kelgen jastardan, ózderine laiyqty aqsha beretin jumys tabýǵa qinalyp júrgen jastardan kelip jatyr", - degen edi depýtat.
