Jaqynda bostandyqqa shyqqan vainer ári bloger Meiirjan Tórebaev “Otets” podkastynda basynan ótken qiyn kezeń, túrmedegi kúnderi jáne erkindikke qaita oralý sezimi jaily ashyq áńgimeledi, dep habarlaidy ult.kz.
Onyń aitýynsha, bul ýaqytta jubaiy Dana úlken qoldaý kórsetken. Ol kezdesýlerge únemi kóterińki kóńil-kúimen kelip, kitaptar ákelip, “bári jaqsy bolady, jaqynda shyǵasyń” dep jiger berip otyrǵan.
Bloger túrme terezesinen syrttaǵy ómirdi baqylaý aýyr áser qaldyrǵanyn jasyrmady. Onyń sózinshe, adamdardyń qalypty tirshiligi óz arnasymen jalǵasyp jatqanda, ishki oiǵa beriletin sátter kóp bolǵan.
Meiirjan balalarynyń jaǵdaiyn da atap ótti. Ol olardy túrmege aparmaý týraly sheshimdi jubaiy ekeýi durys dep tapqanyn aitty. Degenmen balalar anasy arqyly hat jazyp, bailanys úzilmegen.
“Balalardyń hattaryn qabyrǵaǵa ilip qoiatynmyn, sol arqyly úidiń jylýyn sezinetinmin”, – deidi ol.
Sondai-aq ol jubaiynyń tózimdiligi men jaýapkershiligine tánti bolǵanyn jetkizdi. Otbasyn qatar alyp júrý, balalar men jaqyndaryna qamqor bolý oǵan úlken áser qaldyrǵan.
Túrmede oqyǵan kitaptary da onyń oi-sanasyna yqpal etkenin aitqan bloger, ásirese otbasy qundylyqtary týraly eńbekterdi erekshe atap ótti.
Bostandyqqa shyqqannan keiin de biraz ýaqyt psihologiialyq turǵyda aýyr kúi keshkenin jasyrmady. Onyń sózinshe, erkindikke birden úirenisý ońai bolmaǵan.
Qazir ol balalarymen kóbirek ýaqyt ótkizýge tyrysyp, otbasy qundylyǵyn birinshi orynǵa qoiatynyn aitady. Sonymen qatar qoǵam pikirinen góri jaqyndarynyń qoldaýy mańyzdy ekenin jetkizdi.
