Almatyda jol erejesin buzǵany úshin aiyppul tólemeitinderge tekserý bastaldy, dep habarlaidy QazAqparat.
Almaty qalalyq Politsiia departamentiniń málimetinshe, qalada «Boryshker» jedel-aldyn-alý sharasy júrip jatyr.
«Quqyq buzýshylyqqa nóldik tózbeýshilik» qaǵidasyn júzege asyrý, buzýshylyq úshin jazanyń mindetti túrde bolatynyn jáne ákimshilik aiyppuldardy óndirý tiimdiligin arttyrý maqsatynda Almaty politsiiasy «Boryshker» jedel-aldyn-alý is-sharasyn júrgizýde. Jol qozǵalysy kóp jerlerde sharany ótkizýge jol-patrýldik politsiiasynyń avtokólik ekipajy qatysady. Ákimshilik aiyppuldar boiynsha bereshegi bar boryshkerlerdi avtomatty túrde esepteitin «JQQ» AAJ jáne «Sergek» AÓK de qoldanylady»,- dep habarlady politsiiadan.
Quqyq buzýshynyń kóligi mamandandyrylǵan aiyppul turaǵyna qoiylady.
«Josparlanǵan kezeńdik is-shara, shekteýleri bar adamdar men kólik quraldaryn anyqtaýǵa, sondai-aq, ákimshilik quqyq buzýshylyq týraly is boiynsha mindettemelerdi erikti túrde, zańmen belgilengen merzimde oryndamaǵan adamdardy anyqtaýǵa baǵyttalǵan. Qozǵalyp kele jatqan kólik aǵynynyń arasynda júie quqyq buzýshynyń kóligin anyqtaityn bolsa, inspektor kólikti toqtatady jáne toqtaý sebebin túsindiredi. Sodan keiin quqyq buzýshynyń kóligi mamandandyrylǵan aiyppul turaǵyna qoiylady. Turý ornynda Qazaqstan Respýblikasynyń Ákimshilik quqyq buzýshylyq týraly Kodeksine sáikes tárkileý hattamasy jasalady. Mundai ákimshilik sharalar quqyq buzýshylardyń zańdy mindettemelerdi ýaqytynda oryndaýyna tiimdi áser etedi dep esepteimin», – dedi Almaty qalalyq PD Ákimshilik politsiia basqarmasynyń bastyǵy Nurlan Amanbek.
Sondai-aq, is-sharaǵa Óńirlik jeke sot oryndaýshylar palatasynyń sot oryndaýshylary men Almaty qalasy prokýratýrasynyń qyzmetkerleri qatysady.
