الماتىدا جول ەرەجەسٸن بۇزعانى ٷشٸن ايىپپۇل تٶلەمەيتٸندەرگە تەكسەرۋ باستالدى, دەپ حابارلايدى قازاقپارات.
الماتى قالالىق پوليتسييا دەپارتامەنتٸنٸڭ مەلٸمەتٸنشە, قالادا «بورىشكەر» جەدەل-الدىن-الۋ شاراسى جٷرٸپ جاتىر.
«قۇقىق بۇزۋشىلىققا نٶلدٸك تٶزبەۋشٸلٸك» قاعيداسىن جٷزەگە اسىرۋ, بۇزۋشىلىق ٷشٸن جازانىڭ مٸندەتتٸ تٷردە بولاتىنىن جەنە ەكٸمشٸلٸك ايىپپۇلداردى ٶندٸرۋ تيٸمدٸلٸگٸن ارتتىرۋ ماقساتىندا الماتى پوليتسيياسى «بورىشكەر» جەدەل-الدىن-الۋ ٸس-شاراسىن جٷرگٸزۋدە. جول قوزعالىسى كٶپ جەرلەردە شارانى ٶتكٸزۋگە جول-پاترۋلدٸك پوليتسيياسىنىڭ اۆتوكٶلٸك ەكيپاجى قاتىسادى. ەكٸمشٸلٸك ايىپپۇلدار بويىنشا بەرەشەگٸ بار بورىشكەرلەردٸ اۆتوماتتى تٷردە ەسەپتەيتٸن «جقق» ااج جەنە «سەرگەك» اٶك دە قولدانىلادى»,- دەپ حابارلادى پوليتسييادان.
قۇقىق بۇزۋشىنىڭ كٶلٸگٸ مامانداندىرىلعان ايىپپۇل تۇراعىنا قويىلادى.
«جوسپارلانعان كەزەڭدٸك ٸس-شارا, شەكتەۋلەرٸ بار ادامدار مەن كٶلٸك قۇرالدارىن انىقتاۋعا, سونداي-اق, ەكٸمشٸلٸك قۇقىق بۇزۋشىلىق تۋرالى ٸس بويىنشا مٸندەتتەمەلەردٸ ەرٸكتٸ تٷردە, زاڭمەن بەلگٸلەنگەن مەرزٸمدە ورىنداماعان ادامداردى انىقتاۋعا باعىتتالعان. قوزعالىپ كەلە جاتقان كٶلٸك اعىنىنىڭ اراسىندا جٷيە قۇقىق بۇزۋشىنىڭ كٶلٸگٸن انىقتايتىن بولسا, ينسپەكتور كٶلٸكتٸ توقتاتادى جەنە توقتاۋ سەبەبٸن تٷسٸندٸرەدٸ. سودان كەيٸن قۇقىق بۇزۋشىنىڭ كٶلٸگٸ مامانداندىرىلعان ايىپپۇل تۇراعىنا قويىلادى. تۇرۋ ورنىندا قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنە سەيكەس تەركٸلەۋ حاتتاماسى جاسالادى. مۇنداي ەكٸمشٸلٸك شارالار قۇقىق بۇزۋشىلاردىڭ زاڭدى مٸندەتتەمەلەردٸ ۋاقىتىندا ورىنداۋىنا تيٸمدٸ ەسەر ەتەدٸ دەپ ەسەپتەيمٸن», – دەدٸ الماتى قالالىق پد ەكٸمشٸلٸك پوليتسييا باسقارماسىنىڭ باستىعى نۇرلان امانبەك.
سونداي-اق, ٸس-شاراعا ٶڭٸرلٸك جەكە سوت ورىنداۋشىلار پالاتاسىنىڭ سوت ورىنداۋشىلارى مەن الماتى قالاسى پروكۋراتۋراسىنىڭ قىزمەتكەرلەرٸ قاتىسادى.
