Boryshker aliment boiynsha qaryzdy óteý esebine quny 35 million teńge turatyn Nur-Sultan qalasyndaǵy elitalyq kottedjin óz erkimen tapsyrdy, dep habarlaidy "Ult aqparat" Nur-Sultan qalasynyń JSO óńirlik palatasyna silteme jasap.
Jeke sot oryndaýshysynyń oryndaýynda Qostanai oblysy Áýliekól aýdandyq sotynyń 2016 jylǵy qazannan bastap, olar kámeletke tolǵanǵa deiin ai saiyn jalaqynyń jáne ózge de kiristiń barlyq túrlerinen kámeletke tolmaǵan balalardy asyraýǵa ½ bóligi mólsherinde aliment óndirip alý týraly atqarý qujaty boldy.
Jeke sot oryndaýshysynyń 2020 jylǵy 17 tamyzdaǵy qaýlysyna sáikes qaryz somasy 3 857 390 teńgeni quraǵan. Is barysynda boryshkerdiń Nur-Sultan qalasynda turǵyn úi túrinde múlki bar ekeni anyqtaldy.
Boryshkerge sot oryndaýshysyna (atqarýshylyq áreketter jasalǵan jerge) shaqyrý týraly habarlama jiberildi jáne oǵan JSO-nyń múlikti ótkizý arqyly óndirip alýǵa jáne bereshek somasyn óndirip alýǵa quqyǵy bar ekendigi túsindirildi. Kelissózderden keiin boryshker aliment boiynsha qaryzdy óteý úshin múlikti erikti túrde óndirip alýshy men balalarǵa berýge kelisti.
2 qabatty turǵyn úi túrindegi múliktiń quny shamamen 35 000 000 teńgeni qurady. Bul jaǵdaida boryshker aliment boiynsha bereshekti óteý, sondai-aq balalar aldyndaǵy sot sheshiminiń ýaqtyly oryndalýy qajettiligi týraly óziniń mindettemesin túsindi. Óndirip alýshy múlikti boryshty óteý esebine qýana-qýana qabyldady jáne alimentterdi odan ári óndirip alýdan bas tartty, sonymen qatar Nur-Sultan qalasynyń JSO óńirlik palatasyna alǵys hat joldady.
