بورىشكەر اليمەنت بويىنشا قارىزدى ٶتەۋ ەسەبٸنە قۇنى 35 ميلليون تەڭگە تۇراتىن نۇر-سۇلتان قالاسىنداعى ەليتالىق كوتتەدجٸن ٶز ەركٸمەن تاپسىردى, دەپ حابارلايدى "ۇلت اقپارات" نۇر-سۇلتان قالاسىنىڭ جسو ٶڭٸرلٸك پالاتاسىنا سٸلتەمە جاساپ.
جەكە سوت ورىنداۋشىسىنىڭ ورىنداۋىندا قوستاناي وبلىسى ەۋليەكٶل اۋداندىق سوتىنىڭ 2016 جىلعى قازاننان باستاپ, ولار كەمەلەتكە تولعانعا دەيٸن اي سايىن جالاقىنىڭ جەنە ٶزگە دە كٸرٸستٸڭ بارلىق تٷرلەرٸنەن كەمەلەتكە تولماعان بالالاردى اسىراۋعا ½ بٶلٸگٸ مٶلشەرٸندە اليمەنت ٶندٸرٸپ الۋ تۋرالى اتقارۋ قۇجاتى بولدى.
جەكە سوت ورىنداۋشىسىنىڭ 2020 جىلعى 17 تامىزداعى قاۋلىسىنا سەيكەس قارىز سوماسى 3 857 390 تەڭگەنٸ قۇراعان. ٸس بارىسىندا بورىشكەردٸڭ نۇر-سۇلتان قالاسىندا تۇرعىن ٷي تٷرٸندە مٷلكٸ بار ەكەنٸ انىقتالدى.
بورىشكەرگە سوت ورىنداۋشىسىنا (اتقارۋشىلىق ەرەكەتتەر جاسالعان جەرگە) شاقىرۋ تۋرالى حابارلاما جٸبەرٸلدٸ جەنە وعان جسو-نىڭ مٷلٸكتٸ ٶتكٸزۋ ارقىلى ٶندٸرٸپ الۋعا جەنە بەرەشەك سوماسىن ٶندٸرٸپ الۋعا قۇقىعى بار ەكەندٸگٸ تٷسٸندٸرٸلدٸ. كەلٸسسٶزدەردەن كەيٸن بورىشكەر اليمەنت بويىنشا قارىزدى ٶتەۋ ٷشٸن مٷلٸكتٸ ەرٸكتٸ تٷردە ٶندٸرٸپ الۋشى مەن بالالارعا بەرۋگە كەلٸستٸ.
2 قاباتتى تۇرعىن ٷي تٷرٸندەگٸ مٷلٸكتٸڭ قۇنى شامامەن 35 000 000 تەڭگەنٸ قۇرادى. بۇل جاعدايدا بورىشكەر اليمەنت بويىنشا بەرەشەكتٸ ٶتەۋ, سونداي-اق بالالار الدىنداعى سوت شەشٸمٸنٸڭ ۋاقتىلى ورىندالۋى قاجەتتٸلٸگٸ تۋرالى ٶزٸنٸڭ مٸندەتتەمەسٸن تٷسٸندٸ. ٶندٸرٸپ الۋشى مٷلٸكتٸ بورىشتى ٶتەۋ ەسەبٸنە قۋانا-قۋانا قابىلدادى جەنە اليمەنتتەردٸ ودان ەرٸ ٶندٸرٸپ الۋدان باس تارتتى, سونىمەن قاتار نۇر-سۇلتان قالاسىنىڭ جسو ٶڭٸرلٸك پالاتاسىنا العىس حات جولدادى.
