Bortynda 38 adam bolǵan Chili áskeri áýe kúshteriniń ushaǵy Antarktidaǵa bara jatqan jolda joǵalyp ketti, dep habarlaidy "Ult aqparat" BBC News-ke silteme jasap.
C-130 Hercules ushaǵy Pýnta-Arenasadan jergilikti ýaqytpen 16:55-de ushyp ketken. Chili áskeri áýe kúshteriniń málimetinshe, bort dúisenbi kúni jergilikti ýaqytpen 18:00-den keiin bailanysqa shyqpai qalǵan.
Iz-túzsiz joǵalǵandar arasynda ekipajdyń 17 múshesi men 21 jolaýshy bar. Chili áskeri áýe kúshteri izdeý-qutqarý operatsiiasy júrgizilip jatqanyn málim etti. F-16 eki joiǵyshy men tórt keme ushaqty izdeýge jiberildi.
Chili ÁÁK generaly Edýardo Moskeira jergilikti BAQ-qa ushaqtyń apat signalyn qospaǵanyn habarlady. Onyń aitýynsha, áskeri ushaq ushqyshynyń tájiribesi mol, ol otyn qory taýsylǵannan keiin jerge qonýǵa májbúr bolýy múmkin.
Chili prezidenti Sebastian Pinera Twitter-degi resmi akkaýntynda ushaqtyń joǵalyp ketkenine «alańdap», el astanasy Santiagodaǵy jaǵdaidy baqylap otyrǵanyn jazdy.
