Ushaq bortynda temeki shekken tártip buzýshy «Almaty-Nur-Sultan» áýe reisinen shyǵarylyp, oǵan aiyppul salyndy, dep habarlaidy "Ult aqparat" elordalyq Kóliktegi politsiia departamentiniń baspasóz qyzmetine silteme jasap.
«14 qańtarda Nur-Sultan qalasynyń áýejaiyndaǵy Jelilik politsiia bóliminiń kezekshi bólimine «Air Astana» AQ ókilinen «Almaty-Nur-Sultan» baǵytyndaǵy áýe reisiniń bortynda quqyq buzýshy bar ekeni týraly habarlama kelip tústi», - dep atap ótti kóliktegi politsiia departamenti basshysynyń orynbasary Abzal Jumataev.
«Tekserý barysynda kólik politseileri ushaq bortynda elektrondy temeki shekken 23 jastaǵy Almaty qalasynyń turǵynyn anyqtady. Joǵaryda atalǵan áýe kemesi komandiriniń aktisi boiynsha quqyq buzýshy reisten shyǵaryldy. Atalǵan fakti boiynsha politsiia qyzmetkerleri QR ÁQBtK-niń 441-babynyń 1-2-tarmaǵy (áýe kemesiniń bortynda temeki buiymdaryn jáne (nemese) elektrondy temekini tutynýǵa tyiym salýdy buzý) boiynsha ákimshilik hattama toltyryp, oǵan 50 AEK mólsherinde aiyppul saldy», - dedi politsiia polkovnigi.
