Ulybritaniia premer-ministri Boris Djonson on shaqty ministr otstavkaǵa ketkennen keiin qyzmetinen ketetin boldy, - dep habarlaidy Massaget.kz portaly Business Insider saityna silteme jasap.
Tori partiiasynyń on shaqty parlament múshesi, onyń ishinde burynǵy kantsler Rishi Sýnak pen densaýlyq saqtaý ministri Sadjid Djavid úkimetten shyqqannan keiin Djonsonnyń otstavkaǵa ketetini habarlandy.
Basylym málimetinshe, Djonson Konservativ partiianyń jetekshisi qyzmetinen ketedi, biraq "partiialyq konferentsiiaǵa jańa kóshbasshy taǵaiyndalǵanǵa deiin premer-ministr bolyp qala beredi".
Insaiderlerdiń aitýynsha, premer aldaǵy saǵattarda qyzmetinen ketetinin jariialaidy jáne halyqqa úndeý jasaidy.
"Bir derekkóz Daýning-strittegi keibireýler otstavkaǵa ketý týraly málimdeme daiyndap jatyr dep málimdedi, biraq premer-ministr ony oqi ma, joq pa, belgisiz, basqalary Boris Djonson qyzmetinen ketpeitinine senimdi", - delingen habarlamada.
