9 sáýirde Ulybritaniia premer-ministri Boris Djonson Kievte Ýkraina prezidenti Vladimir Zelenskiimen kezdesti. Djonsonnyń Ýkrainaǵa baratyny jóninde aldyn ala habarlanbady.
Kelissózden keiin Djonson London Kievke 120 brondy tehnika jáne kemege qarsy jańa zymyran júiesin beretinin málimdedi. Bul týraly britandyq BBC agenttigi habarlady.
Ulybritaniia premer-ministri halyq kóp shoǵyrlanǵan Kramatorskidegi vokzalǵa zymyran soqqysy jasalǵannan keiin, iaǵni juma kúni Ýkrainaǵa 100 mln fýnt kóleminde qosymsha áskeri kómek beretinin málimdegen. London Kievke tankiler men áýe soqqylarynan qorǵaityn júieler, "kamikadze-drondaryn" da bermek.
Ýkrainadaǵy kezdesý kezinde eki el basshysy Kiev ortalyǵyn aralady.
Naýryzdyń sońynda Resei áskeri Ýkraina astanasynan 20-25 shaqyrym jerge shoǵyrlanyp, qalaǵa soqqylar jasaǵan. Qazir olar eldiń soltústigi men Kiev oblysynan ketken.
"Prezident Zelenskiidiń senimdi basqarýy, ýkrain halqynyń qaisarlyǵy hám batyrlyǵynyń arqasynda Pýtinniń adam shoshyrlyq jospary buzylyp jatyr" dedi Djonson.
