Boranda adasyp, tórt táýlik boiy dalada túnegen Aqmola oblysynyń eki turǵyny aman tabyldy, dep habarlaidy QazAqparat oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, biylǵy jylǵy 7 qańtarda Shortandy aýdandyq PB kezekshi bólimine sharýa qojalyqtarynyń biriniń basshysy habarlasyp, eki jumysshynyń dalada joǵalyp ketkenin aitty.
Sharýa qojalyǵy basshysynyń sózinshe, 4 qańtar kúni eki jumysshy aýa raiynyń qolaisyzdyǵyna qaramastan, qarda júretin kólikpen jylqy izdeýge shyqqan. Bireýi Nur-Sultan qalasynyń, ekinshisi Tselinograd aýdanynyń turǵyny.
«Jedel izdestirý barysynda aýdandyq politsiia bóliminiń qyzmetkerleri kapitan Arman Maminov pen maior Rústem Sadyqov Shortandy aýdanynyń Kliýchi aýylynan 20 shaqyrym jerden joǵalǵan adamdardy tapty. Anyqtalǵandai, jumysshylar qarda júretin kóligi jolda isten shyqqan soń, jaiaý tartqan. Aqtútek boranda olar balyqshylardyń kúrkesine kezigip, sonda kómek kelgenshe tórt táýlik túnep shyqqan», - dedi vedomstvodan.
