بوراندا اداسىپ, تٶرت تەۋلٸك بويى دالادا تٷنەگەن اقمولا وبلىسىنىڭ ەكٸ تۇرعىنى امان تابىلدى, دەپ حابارلايدى قازاقپارات وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, بيىلعى جىلعى 7 قاڭتاردا شورتاندى اۋداندىق پب كەزەكشٸ بٶلٸمٸنە شارۋا قوجالىقتارىنىڭ بٸرٸنٸڭ باسشىسى حابارلاسىپ, ەكٸ جۇمىسشىنىڭ دالادا جوعالىپ كەتكەنٸن ايتتى.
شارۋا قوجالىعى باسشىسىنىڭ سٶزٸنشە, 4 قاڭتار كٷنٸ ەكٸ جۇمىسشى اۋا رايىنىڭ قولايسىزدىعىنا قاراماستان, قاردا جٷرەتٸن كٶلٸكپەن جىلقى ٸزدەۋگە شىققان. بٸرەۋٸ نۇر-سۇلتان قالاسىنىڭ, ەكٸنشٸسٸ تسەلينوگراد اۋدانىنىڭ تۇرعىنى.
«جەدەل ٸزدەستٸرۋ بارىسىندا اۋداندىق پوليتسييا بٶلٸمٸنٸڭ قىزمەتكەرلەرٸ كاپيتان ارمان مامينوۆ پەن مايور رٷستەم سادىقوۆ شورتاندى اۋدانىنىڭ كليۋچي اۋىلىنان 20 شاقىرىم جەردەن جوعالعان ادامداردى تاپتى. انىقتالعانداي, جۇمىسشىلار قاردا جٷرەتٸن كٶلٸگٸ جولدا ٸستەن شىققان سوڭ, جاياۋ تارتقان. اقتٷتەك بوراندا ولار بالىقشىلاردىڭ كٷركەسٸنە كەزٸگٸپ, سوندا كٶمەك كەلگەنشە تٶرت تەۋلٸك تٷنەپ شىققان», - دەدٸ ۆەدومستۆودان.
