«ساعىنىش سازى سەن ەدٸڭ, عاشىقتىڭ بٸرٸ مەن ەدٸم...» دەپ باستالاتىن, كٶپشٸلٸككە تانىمال ەننٸڭ اۆتورىنا قاتىستى داۋ شىقتى. سازگەر بٸرجان اسقاروۆ تۋىندىنى 15 جاسىندا ٶزٸ جازعانىن ايتسا, ەندٸ كٶپ جىل ورىنداپ جٷرگەن تالعات جوراباەۆ ونىڭ سٶزٸنە كٷمەن كەلتٸردٸ, دەپ حابارلايدى ult.kz كتك ارناسىنا سٸلتەمە جاساپ حابارلايدى.
«ساعىنىش سازى» ەنٸ 1990 جىلداردان بەرٸ حالىق اراسىندا ايتىلىپ كەلەدٸ. كەيٸن ونى تالعات جوراباەۆ ٷلكەن ساحنادا ورىنداپ, كٶپشٸلٸككە تانىتقان.
ال ارادا جىلدار ٶتكەن سوڭ بٸرجان اسقاروۆ ەننٸڭ اۆتورى ٶزٸ ەكەنٸن مەلٸمدەدٸ. ونىڭ ايتۋىنشا, تۋىندى وسىدان شامامەن 36 جىل بۇرىن, تٷركٸستان وبلىسى وتىرار اۋدانىنداعى ۋچيليششەدە بٸرٸنشٸ كۋرستا وقىپ جٷرگەن كەزٸندە دٷنيەگە كەلگەن.
«بۇل ەن گٷلجازيرا دەگەن قىزعا ارنالعان ەن ەدٸ. ٶزٸممەن كۋرستاس, بۋحگالتەرلٸك بٶلٸمدە وقىعان قىز. ال حابيبي دەيتٸن جٸگٸت تە بٸر قىزعا عاشىق بولدى, ەننٸڭ ەكٸنشٸ كۋپلەتٸن سول جازعان. "ساعىنىش سازى" بولىپ, حالىقتىڭ اۋزىندا سولاي اتالىپ كەتتٸ. سودان قۇلاقتان-قۇلاققا, اۋىزدان-اۋىزعا تاراپ, بۇل ەن وسىلاي كەتتٸ. بالا كەزدەگٸ عاشىعىم. 15 جاسىمدا جازىلعان ەن», – دەدٸ سازگەر.
بٸرجان اسقاروۆ ەندٸ ەشبٸر ورىنداۋشىعا ۇسىنباعانىن, ٶزٸ اۋىلدا ايتىپ جٷرگەنٸن جەتكٸزدٸ. ونىڭ سٶزٸنشە, كەيٸن تۋىندى حالىق اراسىندا تاراپ, «كٶشە ەنٸنە» اينالعان.
سازگەر تالعات جوراباەۆپەن 2010 جىلدارى بايلانىس ورناتۋعا تىرىسقانىن دا ايتتى. الايدا ەنشٸ كەزدەسۋگە كەلٸسپەگەن.
«بٸرجان اسقاروۆپىن, سەنٸڭ ورىنداعان "ساعىنىش سازى" ەنٸڭنٸڭ اۆتورى بولام, جولىعىپ, كەزدەسٸپ, سٶيلەسسەك دەپ ايتقان ەدٸم. "ۋاقىتىم جوق" دەدٸ. سول ماعان اۋىر تيدٸ, كٶڭٸلٸمە كەلدٸ. بىلاي ايتقاندا, قۇرمەتسٸزدٸك كٶرسەتتٸ», – دەدٸ ول.
ال تالعات جوراباەۆ ەننٸڭ اۆتورى بٸرجان اسقاروۆ ەكەنٸنە كٷمەن كەلتٸرەتٸنٸن ايتتى. ونىڭ سٶزٸنشە, تۋىندى كەزٸندە اۋىزدان-اۋىزعا تاراپ, حالىق ەنٸ رەتٸندە ورىندالىپ جٷرگەن.
«بۇل ەننٸڭ اۆتورىن بٸلمەيمٸن. كەزٸندە اۋىزدان-اۋىزعا, حالىق ەنٸ بوپ, باياعى حالىق ەندەرٸ سيياقتى تارالىپ جٷردٸ عوي. بٸر جاعىنان كٷمەندانام, ناقتى دەلەلدەسٸن وسى ەن ەكەنٸن. دەلەلدەپ بولعاننان كەيٸن مەن ٶزٸمنٸڭ ايتاتىنىمدى ايتامىن», – دەدٸ ەنشٸ.
وسىلايشا, ەننٸڭ اۆتورلىعىنا قاتىستى ەكٸ تاراپتىڭ پٸكٸرٸ ەكٸگە بٶلٸنٸپ وتىر. بٸرجان اسقاروۆ ٶز اۆتورلىعىن دەلەلدەۋگە دايىن ەكەنٸن ايتسا, تالعات جوراباەۆ ناقتى دەلەل تالاپ ەتەدٸ.
سازگەر بۇدان بٶلەك, قازاقستان اۆتورلار قوعامىنا دا ٶكپەسٸ بار ەكەنٸن ايتىپ, ٶزگە تۋىندىلارى ٷشٸن ۇيىمنان اقى الماعانىن مەلٸمدەدٸ.
