«Qairat» FK-nyń qadaǵalaý keńesiniń tóraǵasy Qairat Boranbaev almatylyq komandanyń bas jattyqtyrýshysy bolyp nemis mamany taǵaiyndalǵanyn málim etti, dep habarlaidy Vesti.kz portaly.
«Biz búgin Germaniia ulttyq quramasy jattyqtyrýshysynyń keńesshisimen kelisimshart jasastyq. Ol Germaniia quramasymen 19 jyl jumys istegen. Bul maman akademiianyń komandasyna keńes beretin bolady. Meniń oiymsha, nemis fýtboly bizdikine uqsas. Ol aitarlyqtai zor bolmaǵanymen, nátijeli. Eger Ferrer birinshi oryn alǵanda ony qaldyrar edik. Qazirgi jaǵdaiǵa tek bir adam ǵana kináli dep aitýǵa kelmeidi. Biz jańa jattyqtyrýshynyń úmitkerin anyqtap qoidyq. «Qairatty» nemis mamany jattyqtyrady. Ol komandany osy chempionattyń aiaǵyna deiin basqarady. Andrei Karpovich «Qairattyń» jattyqtyrýshysy mindetin ýaqytsha atqaratyn bolady. Onyń jumys isteýge degen yntasy zor ári tájiribesi de az emes. Karpovichtiń aldynda Qazaqstan Kýbogyn utý mindeti tur», -dedi Boranbaev.
Eske salaiyq, búgin almatylyq «Qairat» komandasy bas jattyqtyrýshy Karlos Ferrer qyzmetinen bosatylǵan edi.
