«قايرات» فك-نىڭ قاداعالاۋ كەڭەسٸنٸڭ تٶراعاسى قايرات بورانباەۆ الماتىلىق كوماندانىڭ باس جاتتىقتىرۋشىسى بولىپ نەمٸس مامانى تاعايىندالعانىن مەلٸم ەتتٸ, دەپ حابارلايدى Vesti.kz پورتالى.
«بٸز بٷگٸن گەرمانييا ۇلتتىق قۇراماسى جاتتىقتىرۋشىسىنىڭ كەڭەسشٸسٸمەن كەلٸسٸمشارت جاساستىق. ول گەرمانييا قۇراماسىمەن 19 جىل جۇمىس ٸستەگەن. بۇل مامان اكادەمييانىڭ كومانداسىنا كەڭەس بەرەتٸن بولادى. مەنٸڭ ويىمشا, نەمٸس فۋتبولى بٸزدٸكٸنە ۇقساس. ول ايتارلىقتاي زور بولماعانىمەن, نەتيجەلٸ. ەگەر فەررەر بٸرٸنشٸ ورىن العاندا ونى قالدىرار ەدٸك. قازٸرگٸ جاعدايعا تەك بٸر ادام عانا كٸنەلٸ دەپ ايتۋعا كەلمەيدٸ. بٸز جاڭا جاتتىقتىرۋشىنىڭ ٷمٸتكەرٸن انىقتاپ قويدىق. «قايراتتى» نەمٸس مامانى جاتتىقتىرادى. ول كوماندانى وسى چەمپيوناتتىڭ اياعىنا دەيٸن باسقارادى. اندرەي كارپوۆيچ «قايراتتىڭ» جاتتىقتىرۋشىسى مٸندەتٸن ۋاقىتشا اتقاراتىن بولادى. ونىڭ جۇمىس ٸستەۋگە دەگەن ىنتاسى زور ەرٸ تەجٸريبەسٸ دە از ەمەس. كارپوۆيچتٸڭ الدىندا قازاقستان كۋبوگىن ۇتۋ مٸندەتٸ تۇر», -دەدٸ بورانباەۆ.
ەسكە سالايىق, بٷگٸن الماتىلىق «قايرات» كومانداسى باس جاتتىقتىرۋشى كارلوس فەررەر قىزمەتٸنەن بوساتىلعان ەدٸ.
