Jyl basynan beri Ulttyq qaýipsizdik komiteti politsiiamen birlesip jáne prokýratýranyń úilestirýimen elimizdiń birqatar óńirinde 24 qylmystyq toptyń jolyn kesti, dep habarlaidy ult.kz.
UQK baspasóz qyzmetiniń málimetinshe, bopsalaý, adam urlaý, qarýdy zańsyz saqtaý jáne basqa da aýyr qylmystar jasady degen kúdikpen 169-dan astam adam ustalǵan. Olardyń arasynda qylmystyq toptardyń jetekshileri de bar.
Sonymen qatar shekara mańyndaǵy óńirlerde, ónerkásip jáne qorshaǵan ortany qorǵaý salalarynda qylmystyq shemalar arqyly zańsyz kiris tabýǵa bailanysty faktiler anyqtalyp, joly kesilgen.
Qazirgi ýaqytta atalǵan faktiler boiynsha sotqa deiingi tergeý amaldary júrgizilip jatyr.
