Elimizde COVID-19-dyń taralý shegine qatysty boljam jasaldy, dep habarlaidy QazAqparat.
«Omikron» shtamynyń paida bolýymen álem elderinde koronavirýs infektsiiasynyń tez taralýy baiqaldy. Bizdiń elge kelsek, jyl basynan beri 178 myńnan astam adam koronavirýs infektsiiasymen aýyrdy. Pandemiianyń búkil kezeńimen salystyrǵanda alǵash ret indettiń táýliktik tirekelýi 16 myńnan asyp tústi. Bul «Omikroná shtamynyń óte juqpaly ári tez taralýymen bailanysty. Búgingi tańda Túrkistan oblysynan basqa barlyq óńir «qyzyl» aimaqta. Jáne elimiz boiynsha sońǵy aptada KVI-men syrqattaný deńgeii 1,5 esege ósti», - dedi QR Densaýlyq saqtaý ministrligi sanitarlyq-epidemiologiialyq baqylaý komitetiniń tóraǵasy Aijan Esmaǵambetova OKQ-de onlain ótken baspasóz máslihatynda.
Onyń aitýynsha, qańtar aiynda jeltoqsanmen salystyrǵanda atalǵan indetke shaldyǵý 11 esege ósken.
«Eldegi epidjaǵdai bizdiń turaqty baqylaýymyzda. Sońǵy boljam boiynsha indet aqpan aiynyń ortasynda sharyqtaý shegine jetedi», - deidi ol.
