Foto: Gov.kz
2025 jylǵy qańtar-tamyz aralyǵynda bólshek saýda kólemi 14 805,9 mlrd teńgeni qurap, ótken jyldyń sáikes kezeńimen salystyrǵanda 6,9%-ǵa artty, dep habarlaidy Ult.kz.
Saýda kásiporyndary arqyly taýarlardyń bólshek saýdada ótkizilýi 10 234,3 mlrd teńgeni qurap, bir jylda 6,3% ósti.
Jalpy bólshek saýda kóleminde azyq-túlik taýarlarynyń úlesi 31,9% bolsa, azyq-túlikke jatpaityn taýarlardiki – 68,1%.
Saýda kólemindegi eń joǵary ósim azyq-túlikke jatpaityn taýarlar boiynsha baiqaldy. Atap aitqanda, motor otyny, avtomobilder, elektrli turmystyq tehnika, farmatsevtika ónimderi, azyq-túlik taýarlary, sýsyndar men temeki ónimderi, toqyma jáne shulyq buiymdary, kosmetika taýarlary men jeke gigiena zattary, kompiýterler, periferiialyq jabdyqtar jáne baǵdarlamalyq qamtamasyz etý boiynsha saýda artty.
2025 jylǵy 1 qyrkúiektegi jaǵdai boiynsha bólshek saýda kásiporyndarynyń (esep bergen kásiporyndar boiynsha) taýar qory 1 588,2 mlrd teńgeni quradyp, bul 56 kúndik saýda mólsheri.
Respýblikadaǵy bólshek saýdanyń eń úlken úlesi Almaty (32,4%) men Astana qalalaryna (13,8%), Qaraǵandy (7,3%) jáne Shyǵys Qazaqstan oblysyna (5,6%) tiesili.
