Foto: "Ómir kórkem" baǵdarlamasy
Tanymal ánshi Jubanysh Jeksenuly italiialyq kelinimen qarym-qatynasy týraly aitty, - dep habarlaidy Massaget.kz portaly.
Bul týraly óner iesi Dinara Sátjanǵa bergen suhbatynda bólisti.
"Meniń jeke ómirimde eshkimniń sharýasy bolmaýy kerek dep oilaimyn. Italiialyq kelinim - myń kelinge tatityn kelin. Aqyly kórkine sai. Ol konservatoriianyń pianino klasyn qyzyl diplommen bitirgen mýzykant, al mýzykanttyń sonshalyqty taiaz bolýy múmkin emes dep oilaimyn. Úlken ulym gitarist, úide gitarist pen pianistten týǵan kishkentai nemerem bar", - deidi ol.
Ánshi alǵashynda ulynyń bul tańdaýyna qarsy bolǵanyn aitty.
"Men aýylda, naǵyz qazaq otbasynda, qazaq ortasynda óstim. Basynda, árine, biz de qansha jyl qarsy boldyq. Bir-birin súiip, aitqanynan qaitpaǵanynan degenine jetti. Árine, ony biz túsinbegesin emes, ol tabiǵi qazaqy bolmysymyzdan. Áitpese, anasy da, men de mahabbat ekenin, bir-birin qalap turǵanyn túsindik. Bizdiń tárbie basqa. Joq, bolmaidy dep aityq, kónbedi. "Kelinimiz basqa ulttan" degende ákem "ulttyń jamany bolmaidy, adam durys bolsyn" dep toqtaý saldy", - deidi óner iesi.
