14 naýryz kúni saǵat 15.00-de Almaty qalasyndaǵy «Atakent moll» saýda úiiniń (2 qabat) «Qazyna» kitap dúkeniniń alańynda belgili aqyn, Qazaqstan Jazýshylar odaǵy basqarma Tóraǵasynyń birinshi orynbasary Aqberen Elgezektiń «Bolmaǵan balalyq shaq» atty proza janryndaǵy tuńǵysh kitabynyń tusaýkeser rásimi ótedi.
A.Elgezektiń «Kóleńkeler kúbiri», «Ǵarshy», «Sheksizdik syrtyndaǵy sham», «Fantasmagoria» (túrik tilinde) atty jyr jinaqtary jaryq kórgen. Óleńderi aǵylshyn, frantsýz, ispan, arab, qytai, túrik, ázerbaijan, qyrǵyz tilderine aýdarylyp, kóptegen antologiialarǵa engen. Memlekettik «Daryn» jastar syilyǵynyń, Qazaqstan jastar Odaǵynyń «Serper» jáne «Altyn qalam», «Semser» ulttyq syilyqtarynyń iegeri. Kóptegen respýblikalyq músháiralardyń júldegeri.
Oqyrmandardyń suraýy boiynsha kitap bolyp basylyp shyqqan «Bolmaǵan balalyq shaq» povesti - 2008 jyly jazylyp, ǵalamtor arqyly keńinen tarap, bestsellerge ainalǵan biregei shyǵarma. Internet jelisinde júrgizilgen saýalnama nátijesinde «HHI ǵasyr basyndaǵy úzdik 20 prozalyq týyndy» tizimine engen.
Kópshilik oqyrmanǵa jete tanys shyǵarmanyń bul tolyqtyrylǵan, ári eń alǵashqy basylym nusqasy.
Basynan ótken oqiǵalardy arqaý etken kitap arqyly avtor elimizdegi metsenattar men kásipkerlerdi qaiyrymdylyq jasaýǵa shaqyrady. Iaǵni, kitap satýdan túsken qarjy ádebietke beiimi bar jetim balalardy oqytýǵa jumsalady.
Kishkentai júrektiń úlken ómirmen arpalysyn sýretteitin, emotsiialyq kúrdeli tebireniske toly tabiǵaty oqyrmandy baýrap alatyn kitaptyń tusaýkeser rásimine kórnekti aqyn, Qazaqstan Jazýshylar odaǵy basqarmasynyń Tóraǵasy Ulyqbek Esdáýlet jáne elimizge belgili aqyn-jazýshylar, qoǵam qairatkerleri, sondai-aq, qazaq estradasynyń juldyzdary Meirambek Besbaev, Sáken Maiǵaziev, Toqtar Serikov, Saiat Medeýov, Arman Dúisenov, aitysker aqyndar Rinat Zaiytov jáne Talant Arǵynǵali qatysady.
