14 ناۋرىز كٷنٸ ساعات 15.00-دە الماتى قالاسىنداعى «اتاكەنت مولل» ساۋدا ٷيٸنٸڭ (2 قابات) «قازىنا» كٸتاپ دٷكەنٸنٸڭ الاڭىندا بەلگٸلٸ اقىن, قازاقستان جازۋشىلار وداعى باسقارما تٶراعاسىنىڭ بٸرٸنشٸ ورىنباسارى اقبەرەن ەلگەزەكتٸڭ «بولماعان بالالىق شاق» اتتى پروزا جانرىنداعى تۇڭعىش كٸتابىنىڭ تۇساۋكەسەر رەسٸمٸ ٶتەدٸ.
ا.ەلگەزەكتٸڭ «كٶلەڭكەلەر كٷبٸرٸ», «عارشى», «شەكسٸزدٸك سىرتىنداعى شام», «Fantasmagoria» (تٷرٸك تٸلٸندە) اتتى جىر جيناقتارى جارىق كٶرگەن. ٶلەڭدەرٸ اعىلشىن, فرانتسۋز, يسپان, اراب, قىتاي, تٷرٸك, ەزەربايجان, قىرعىز تٸلدەرٸنە اۋدارىلىپ, كٶپتەگەن انتولوگييالارعا ەنگەن. مەملەكەتتٸك «دارىن» جاستار سىيلىعىنىڭ, قازاقستان جاستار وداعىنىڭ «سەرپەر» جەنە «التىن قالام», «سەمسەر» ۇلتتىق سىيلىقتارىنىڭ يەگەرٸ. كٶپتەگەن رەسپۋبليكالىق مٷشەيرالاردىڭ جٷلدەگەرٸ.
وقىرمانداردىڭ سۇراۋى بويىنشا كٸتاپ بولىپ باسىلىپ شىققان «بولماعان بالالىق شاق» پوۆەستٸ - 2008 جىلى جازىلىپ, عالامتور ارقىلى كەڭٸنەن تاراپ, بەستسەللەرگە اينالعان بٸرەگەي شىعارما. ينتەرنەت جەلٸسٸندە جٷرگٸزٸلگەن ساۋالناما نەتيجەسٸندە «ححٸ عاسىر باسىنداعى ٷزدٸك 20 پروزالىق تۋىندى» تٸزٸمٸنە ەنگەن.
كٶپشٸلٸك وقىرمانعا جەتە تانىس شىعارمانىڭ بۇل تولىقتىرىلعان, ەرٸ ەڭ العاشقى باسىلىم نۇسقاسى.
باسىنان ٶتكەن وقيعالاردى ارقاۋ ەتكەن كٸتاپ ارقىلى اۆتور ەلٸمٸزدەگٸ مەتسەناتتار مەن كەسٸپكەرلەردٸ قايىرىمدىلىق جاساۋعا شاقىرادى. ياعني, كٸتاپ ساتۋدان تٷسكەن قارجى ەدەبيەتكە بەيٸمٸ بار جەتٸم بالالاردى وقىتۋعا جۇمسالادى.
كٸشكەنتاي جٷرەكتٸڭ ٷلكەن ٶمٸرمەن ارپالىسىن سۋرەتتەيتٸن, ەموتسييالىق كٷردەلٸ تەبٸرەنٸسكە تولى تابيعاتى وقىرماندى باۋراپ الاتىن كٸتاپتىڭ تۇساۋكەسەر رەسٸمٸنە كٶرنەكتٸ اقىن, قازاقستان جازۋشىلار وداعى باسقارماسىنىڭ تٶراعاسى ۇلىقبەك ەسدەۋلەت جەنە ەلٸمٸزگە بەلگٸلٸ اقىن-جازۋشىلار, قوعام قايراتكەرلەرٸ, سونداي-اق, قازاق ەستراداسىنىڭ جۇلدىزدارى مەيرامبەك بەسباەۆ, سەكەن مايعازيەۆ, توقتار سەرٸكوۆ, سايات مەدەۋوۆ, ارمان دٷيسەنوۆ, ايتىسكەر اقىندار رينات زايىتوۆ جەنە تالانت ارعىنعالي قاتىسادى.
