videodan alynǵan kadr
"Ózenmunaigaz" AQ bas ǵimaratynda ótken "Ózenmunaigaz munaishylarynyń jergilikti kásipodaǵy" QB múshelerimen kezdesýde kompaniia basshysy Nurdáýlet Qilybaidyń ujymǵa aýyzbirshilik, ózara bólinbeý týraly aitqan videosy áleýmettik jelide tarap, qyzý talqyǵa tústi, - dep habarlaidy Massaget.kz.
"Jalpy, áńgime bastaldy ǵoi. Men de aitaiynshy. Úsh-tórt ai boldy kelgenime. Meniń de ishime tolyp qaldy kóp nárse. Aýyzben emes, júrekpen sóileseiik, aqiqat kerek qoi - aqiqatty aitaiyq. Shyndaryńyzdy aityńyzdarshy, "Ózenmunaigaz" airandai uiyp otyrýy kerek tym jaqsy mekeme. Aýyzbirshilik bar ma? Kim aita alady bar dep? Sen syrttan keldiń dep shettetesińder meni. Negizi myna jerde óz aralaryńyzdan jigitter otyrar edi, eger aýyzbirshilikterińiz bolsa. Aýyzbirshilik joq, syrttan men kelip otyrmyn. Ókinishti nárse. Syrttan kelip, munai salasyn basqaryp otyrǵanym maǵan da ókinishti. Oǵan kim kináli? Jigitter renjimeńizder, ózderińiz kinálisizder. Sebebi aýyzbirshilikterińiz joq", - deidi Nurdáýlet Qilybai.
Ol "Ózenmunaigazǵa" kelgendegi óz maqsaty baryn aitty.
"Unaimyn ba, unamaimyn ba, ket deseńizder de ketpeimin. Osy jerge kelgendegi óz maqsatym bar. Jańaózen qalasyna 3-4 zaýyt salyp bergimiz keledi. Alyp jatqan kúndelikti qurylǵylardy osynda salyp, jastardy jumysqa kirgizgimiz keledi. Arnaiy tehnika alyp bergimiz keledi. "Aqsha joq" deidi. Olai emes, memleket barlyq jaǵdaidy jasap qoidy. Joq-joq demei, amalyn izdeý kerek.
(...) Biz bólinýdiń kesirinen zardapty qatty shegip otyrmyz. Jańaózen - alaqandai ǵana tym jaqsy qala. Áli de aitamyn, zaman keledi, Jańaózendi bireýler jaqtyrmaityn shyǵar. Biraq Jańaózen bir kúni elge úlgi bolady. Jańaózenniń jigitteri elge ónege bolatyn zaman keledi. Bóline beremiz, bóline beremiz", - dedi kompaniia basshysy.
Jinalysqa kelgen turǵyndar Nurdáýlet Qilybaidy qoldap, qol shapalaqtady.
Video Almas Altaidyń Facebook paraqshasynan alyndy
