ۆيدەودان الىنعان كادر
"ٶزەنمۇنايگاز" اق باس عيماراتىندا ٶتكەن "ٶزەنمۇنايگاز مۇنايشىلارىنىڭ جەرگٸلٸكتٸ كەسٸپوداعى" قب مٷشەلەرٸمەن كەزدەسۋدە كومپانييا باسشىسى نۇردەۋلەت قيلىبايدىڭ ۇجىمعا اۋىزبٸرشٸلٸك, ٶزارا بٶلٸنبەۋ تۋرالى ايتقان ۆيدەوسى ەلەۋمەتتٸك جەلٸدە تاراپ, قىزۋ تالقىعا تٷستٸ, - دەپ حابارلايدى Massaget.kz.
"جالپى, ەڭگٸمە باستالدى عوي. مەن دە ايتايىنشى. ٷش-تٶرت اي بولدى كەلگەنٸمە. مەنٸڭ دە ٸشٸمە تولىپ قالدى كٶپ نەرسە. اۋىزبەن ەمەس, جٷرەكپەن سٶيلەسەيٸك, اقيقات كەرەك قوي - اقيقاتتى ايتايىق. شىندارىڭىزدى ايتىڭىزدارشى, "ٶزەنمۇنايگاز" ايرانداي ۇيىپ وتىرۋى كەرەك تىم جاقسى مەكەمە. اۋىزبٸرشٸلٸك بار ما? كٸم ايتا الادى بار دەپ? سەن سىرتتان كەلدٸڭ دەپ شەتتەتەسٸڭدەر مەنٸ. نەگٸزٸ مىنا جەردە ٶز ارالارىڭىزدان جٸگٸتتەر وتىرار ەدٸ, ەگەر اۋىزبٸرشٸلٸكتەرٸڭٸز بولسا. اۋىزبٸرشٸلٸك جوق, سىرتتان مەن كەلٸپ وتىرمىن. ٶكٸنٸشتٸ نەرسە. سىرتتان كەلٸپ, مۇناي سالاسىن باسقارىپ وتىرعانىم ماعان دا ٶكٸنٸشتٸ. وعان كٸم كٸنەلٸ? جٸگٸتتەر رەنجٸمەڭٸزدەر, ٶزدەرٸڭٸز كٸنەلٸسٸزدەر. سەبەبٸ اۋىزبٸرشٸلٸكتەرٸڭٸز جوق", - دەيدٸ نۇردەۋلەت قيلىباي.
ول "ٶزەنمۇنايگازعا" كەلگەندەگٸ ٶز ماقساتى بارىن ايتتى.
"ۇنايمىن با, ۇنامايمىن با, كەت دەسەڭٸزدەر دە كەتپەيمٸن. وسى جەرگە كەلگەندەگٸ ٶز ماقساتىم بار. جاڭاٶزەن قالاسىنا 3-4 زاۋىت سالىپ بەرگٸمٸز كەلەدٸ. الىپ جاتقان كٷندەلٸكتٸ قۇرىلعىلاردى وسىندا سالىپ, جاستاردى جۇمىسقا كٸرگٸزگٸمٸز كەلەدٸ. ارنايى تەحنيكا الىپ بەرگٸمٸز كەلەدٸ. "اقشا جوق" دەيدٸ. ولاي ەمەس, مەملەكەت بارلىق جاعدايدى جاساپ قويدى. جوق-جوق دەمەي, امالىن ٸزدەۋ كەرەك.
(...) بٸز بٶلٸنۋدٸڭ كەسٸرٸنەن زارداپتى قاتتى شەگٸپ وتىرمىز. جاڭاٶزەن - الاقانداي عانا تىم جاقسى قالا. ەلٸ دە ايتامىن, زامان كەلەدٸ, جاڭاٶزەندٸ بٸرەۋلەر جاقتىرمايتىن شىعار. بٸراق جاڭاٶزەن بٸر كٷنٸ ەلگە ٷلگٸ بولادى. جاڭاٶزەننٸڭ جٸگٸتتەرٸ ەلگە ٶنەگە بولاتىن زامان كەلەدٸ. بٶلٸنە بەرەمٸز, بٶلٸنە بەرەمٸز", - دەدٸ كومپانييا باسشىسى.
جينالىسقا كەلگەن تۇرعىندار نۇردەۋلەت قيلىبايدى قولداپ, قول شاپالاقتادى.
ۆيدەو الماس التايدىڭ Facebook پاراقشاسىنان الىندى
