Endi betti tek meditsinalyq nemese kásibi maqsatta ǵana jabýǵa ruqsat bar. Al basqa maqsatta júzin tumshalaǵandarǵa 900 dollar mólsherinde aiyppul salynady. Budan basqa, zań buzǵandar áleýmettik jeńildikterden aiyrylmaq. Qujatty daiyndaǵandar munyń dinmen emes, qaýipsizdik sharasymen bailanysty ekenin aitady. Degenmen jergilikti turǵyndardyń pikiri ekige jaryldy.
Aita keteiik, Bolgariia halqynyń 12 paiyzy Islam dinin ustanady. Olardyń deni – etnikalyq túrikter.
«Meniń oiymsha, paranja men niqabqa tyiym salý – óte durys sheshim. Sebebi Qurannyń ózinde mundai ereje esh jerde joq», - deidi bolgar musylmany Mohammad Nýri.
«Parlament maquldaǵan tyiym aqylǵa syiymsyz. Sebebi ol musylmandar men hristiandar arasyndaǵy qarym-qatynasqa ziian keltiredi. Bul – arzan bedel jinaý áreketi. Ol jalǵan patriottyq jáne ulttyq kóńil-kúige jel bitiredi», - deidi Bolgariia Bas múftiiniń ókili Djelal Faik.
