Ekonomist Bolat Jámishev áleýmettik meditsinalyq saqtandyrý qory» KEAQ Direktorlar keńesiniń tóraǵasy bolyp sailandy, - dep habarlaidy Qordyń Almaty qalalyq filialynyń baspasóz qyzmeti.
Buǵan deiin keńeske Densaýlyq saqtaý ministri Eljan Birtanov jetekshilik etip kelgen bolatyn.
Bolat Jámishev ár jyldary QR Qarjy uiymdaryn retteý jáne qadaǵalaý agenttigi tóraǵasy, QR Qarjy ministri, QR Óńirlik damý ministri, «Qazaqstannyń damý Banki» AQ Basqarma tóraǵasy qyzmetterin atqarǵan. Sondai-aq, MSQ Direktorlar keńesiniń quramyna jańa músheler endi.
Atap aitqanda, ekonomist Jaqsybek Kúlekeev pen «Atameken» UKP basqarma tóraǵasynyń orynbasary, qarjyger Iýliia Iakýpbaeva Qordyń táýelsiz direktorlary bolyp sailandy. Qazirgi ýaqytta keńeske táýelsiz direktorlar - Oraz Jandosov, Gintaras Katsiavichiýs, Jaqsybek Kúlekeev, Iýliia Iakýpbaeva, Bolat Bábenov, sondai-aq keńes músheleri - Eljan Birtanov, Berik Sholpanqulov jáne Aibatyr Jumaǵulov engen.
