Foto: Tengrinews.kz
14 qarashada Almaty oblysy Qarǵaly aýylynda turǵyndar politsiia kólikteri jinalyp turǵan úidi baiqaǵan. Áleýmettik jelilerde "úi marqum Bolat Nazarbaevtyń týystaryna tiesili bolýy múmkin" degen aqparat tarady, dep habarlaidy Ult.kz Massaget.kz tilshisine silteme jasap.
"Almaty oblysy Jambyl aýdanyndaǵy Qarǵaly aýylynyń turǵyndary ótken túni marqum Bolat Nazarbaevtyń týystaryna tiesili úidiń mańynan kóp politseidi kórgenin aitty", - dep jazdy jeli qoldanýshylary.
Aita keteiik, Bolat Nazarbaev - Qazaqstannyń tuńǵysh prezidenti Nursultan Nazarbaevtyń týǵan inisi. 2023 jyly 13 qarashada qaitys boldy.
Politsiia pikiri
Almaty oblysynyń Politsiia departamenti 14 qarashada túnde aýyl turǵyndarynan belgisiz adamdar qundy zattardy urlaǵany týraly habar túskenin málimdedi.
"Oqiǵa ornyna jedel tergeý toby, ýchaskelik politsiia inspektorlary shyqty. Bul derek boiynsha qylmystyq is qozǵaldy. Qazir kúdiktilerdi anyqtap, ustaýǵa baǵyttalǵan tergeý júrgizilip jatyr", - dep jazylǵan habarlamada.
Almaty oblysy PD úi kimge tiesili ekenin naqtylamady.
