Foto: bigland.ru
Almaty oblysynda Qazaqstannyń tuńǵysh prezidenti Nursultan Nazarbaevtyń týǵan baýyry Bolat Nazarbaevtyń yqpal etýimen taǵaiyndalǵan ákim zańsyz qaýly shyǵaryp, jaiylym jer bútin bir otbasynyń menshigine ótip ketken. Bul týraly Májilis depýtaty Baqytjan Bazarbek aitty, dep habarlady Halyq Uni saity.
Búgin Májilistiń jalpy otyrysynda «Qazaqstannyń keibir zańnamalyq aktilerine jaiylymdardy paidalaný máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy.
Depýtat Baqytjan Bazarbai zań jobasyna engiziletin ózgeristerge toqtalyp, Nazarbaev áýleti zańsyzdyqtarǵa jol bergenin ashyq aitty.
«Almaty oblysy Eńbekshiqazaq aýdanynda Asysaǵa degen aýyl bar. Onda 11 myń gektar jaiylym jer bar edi. 2013-2015 jyldar aralyǵynda Bolat Nazarbaev «qoiǵan» ákimniń zańsyz qaýlysynyń saldarynan 11 ga jaiylymnyń 9 myń gektary bir otbasynyń jekemenshigine ótip ketken. Ákesi – 2 370 ga, úlken uly – 1 370 ga, ortanshy uly – 1 340, ortanshy qyzy – 1 260 ga, kishi qyzy – 1 760 ga jáne onyń kúieýi 1 670 ga jerdi ielendi. Osylaisha, bir aýyldyń jeri bir otbasy músheleriniń jekemenshigine jáne jer paidalaný quqyǵyna ótken», - dedi ol.
Onyń aiýtynsha, «Jer amanaty» respýblikalyq komissiiasy jaiylymnyń 6 500 ga jerin memleket menshigine qaitarǵan.
«Muny nege aityp otyrmyn? Jaiylym jerlerdiń máselesi Qazaqstannyń túkpir-túkpirinde óte ózekti bolyp tur. Biz «qoǵamdyq jaiylym» degen uǵymdy engizip otyrmyz. «Qoǵamdyq jaiylym» degen uǵymmen qosa, endi jemqorlyqqa belshesinen batqan ákimder qoǵamdyq jaiylym jerlerdi yǵai men syǵailarǵa berýge quqyǵy joq. Sebebi ol bazaǵa qoǵamdyq jaiylymdyq jer retinde engiziledi», - dedi Baqytjan Bazarbek.
Depýtat zań jobasy jaiylymdy jerlerdi egistik jerlerge ainaldyrýǵa múmkindik bermeitinin jetkizdi.
«Sondai-aq endi ákimder jaiylymdy jerlerdi rezervke qoiýǵa mindetteledi. Jaiylymdy jerlerdi kooperativterge beremiz jáne kooperativterdi qoldaimyz», - dedi ol.
Depýtattar zańdy birinshi oqylymda maquldady.
