فوتو: bigland.ru
الماتى وبلىسىندا قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ تۋعان باۋىرى بولات نازارباەۆتىڭ ىقپال ەتۋٸمەن تاعايىندالعان ەكٸم زاڭسىز قاۋلى شىعارىپ, جايىلىم جەر بٷتٸن بٸر وتباسىنىڭ مەنشٸگٸنە ٶتٸپ كەتكەن. بۇل تۋرالى مەجٸلٸس دەپۋتاتى باقىتجان بازاربەك ايتتى, دەپ حابارلادى Halyq Uni سايتى.
بٷگٸن مەجٸلٸستٸڭ جالپى وتىرىسىندا «قازاقستاننىڭ كەيبٸر زاڭنامالىق اكتٸلەرٸنە جايىلىمداردى پايدالانۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى.
دەپۋتات باقىتجان بازارباي زاڭ جوباسىنا ەنگٸزٸلەتٸن ٶزگەرٸستەرگە توقتالىپ, نازارباەۆ ەۋلەتٸ زاڭسىزدىقتارعا جول بەرگەنٸن اشىق ايتتى.
«الماتى وبلىسى ەڭبەكشٸقازاق اۋدانىندا اسىساعا دەگەن اۋىل بار. وندا 11 مىڭ گەكتار جايىلىم جەر بار ەدٸ. 2013-2015 جىلدار ارالىعىندا بولات نازارباەۆ «قويعان» ەكٸمنٸڭ زاڭسىز قاۋلىسىنىڭ سالدارىنان 11 گا جايىلىمنىڭ 9 مىڭ گەكتارى بٸر وتباسىنىڭ جەكەمەنشٸگٸنە ٶتٸپ كەتكەن. ەكەسٸ – 2 370 گا, ٷلكەن ۇلى – 1 370 گا, ورتانشى ۇلى – 1 340, ورتانشى قىزى – 1 260 گا, كٸشٸ قىزى – 1 760 گا جەنە ونىڭ كٷيەۋٸ 1 670 گا جەردٸ يەلەندٸ. وسىلايشا, بٸر اۋىلدىڭ جەرٸ بٸر وتباسى مٷشەلەرٸنٸڭ جەكەمەنشٸگٸنە جەنە جەر پايدالانۋ قۇقىعىنا ٶتكەن», - دەدٸ ول.
ونىڭ ايۋتىنشا, «جەر اماناتى» رەسپۋبليكالىق كوميسسيياسى جايىلىمنىڭ 6 500 گا جەرٸن مەملەكەت مەنشٸگٸنە قايتارعان.
«مۇنى نەگە ايتىپ وتىرمىن? جايىلىم جەرلەردٸڭ مەسەلەسٸ قازاقستاننىڭ تٷكپٸر-تٷكپٸرٸندە ٶتە ٶزەكتٸ بولىپ تۇر. بٸز «قوعامدىق جايىلىم» دەگەن ۇعىمدى ەنگٸزٸپ وتىرمىز. «قوعامدىق جايىلىم» دەگەن ۇعىممەن قوسا, ەندٸ جەمقورلىققا بەلشەسٸنەن باتقان ەكٸمدەر قوعامدىق جايىلىم جەرلەردٸ ىعاي مەن سىعايلارعا بەرۋگە قۇقىعى جوق. سەبەبٸ ول بازاعا قوعامدىق جايىلىمدىق جەر رەتٸندە ەنگٸزٸلەدٸ», - دەدٸ باقىتجان بازاربەك.
دەپۋتات زاڭ جوباسى جايىلىمدى جەرلەردٸ ەگٸستٸك جەرلەرگە اينالدىرۋعا مٷمكٸندٸك بەرمەيتٸنٸن جەتكٸزدٸ.
«سونداي-اق ەندٸ ەكٸمدەر جايىلىمدى جەرلەردٸ رەزەرۆكە قويۋعا مٸندەتتەلەدٸ. جايىلىمدى جەرلەردٸ كووپەراتيۆتەرگە بەرەمٸز جەنە كووپەراتيۆتەردٸ قولدايمىز», - دەدٸ ول.
دەپۋتاتتار زاڭدى بٸرٸنشٸ وقىلىمدا ماقۇلدادى.
