Laýazymyn asyra paidalanǵany úshin aiyptalǵan Pavlodar oblysynyń eks-ákimi Bolat Baqaýovtyń úiine baqylaý ornatyldy, dep habarlaidy "Ult aqparat".
«Aita ketsek, Bolat Baqaýov Pavlodar oblysynyń ákimi qyzmetinen bosatyldy, tergeý qujattaryna qol jetkize almaidy jáne qylmystyq isti obektivti tergeýge kedergi bola almaidy. Qamaýda bolǵanyna bailanysty densaýlyǵy nasharlap ketti», - dep habarlady Pavlodar oblystyq sotynyń baspasóz qyzmeti tilshilerge.
Osy jaǵdailardy, sondai-aq Bolat Baqaýovtyń Pavlodarda turǵylyqty jeri bar ekenin, buryn sottalmaǵanyn eskere otyryp, sot bultartpaý sharasyn jeńildetý týraly sheshim qabyldady.
Sot otyrysyna qatysqan Pavlodar oblystyq prokýratýrasynyń prokýrory bultartpaý sharasyn ózgertý týraly sheshimdi qoldady.
«Osyǵan bailanysty sotqa deiingi tergeý organynyń bultartpaý sharasyn úi qamaýyna ózgertý týraly ótinishi qanaǵattandyryldy. Qaýlyǵa shaǵym túsken joq», - dep tolyqtyrdy sottaǵylar.
Buryn habarlanǵandai, Pavlodar qalasynyń mamandandyrylǵan tergeý sotynyń 18 aqpandaǵy qaýlysymen Qazaqstan Respýblikasy Bas prokýratýrasynyń qylmystyq qýdalaý qyzmetiniń bastyǵymen kelisilgen jedel tergeý toby basshysynyń Pavlodar oblysynyń burynǵy ákimi B. J. Baqaýovqa qatysty QK 362-babynyń tórtinshi tarmaǵynda (bilikti nemese laýazymdyq ókilettikterdi asyra paidalaný) kózdelgen qylmysty jasaǵany úshin kúdiktige qatysty bultartpaý sharasyn ózgertý týraly ótinishi qanaǵattandyryldy.
Buryn qabyldanǵan qamaýda ustaý sharasy úi qamaýyna ózgertildi.
Bolat Baqaýov QPK 146-babynyń ekinshi tarmaǵynda kózdelgen erejelerdi saqtaidy: turǵynjaidan barlyq ýaqytta nemese belgili bir ýaqytta shyǵýǵa tyiym salynǵan, osy bóliktiń 5 tarmaǵynda kózdelgen jaǵdailardy qospaǵanda, telefonmen sóilesýge, hat-habar jóneltýge jáne bailanys quraldaryn paidalanýǵa shekteý qoiylǵan.
Belgili bir adamdarmen aralasýǵa jáne kimdi bolsa da úiinde qabyldaýǵa tyiym salynǵan. Baqylaý maqsatyndaǵy telefon qońyraýlaryna nemese ózge de baqylaý signaldaryna jaýap bere alady. Anyqtaý organyna nemese kúdiktiniń, aiyptalýshynyń nemese sottalýshynyń minez-qulqyn qadaǵalaýdy júzege asyratyn basqa da organǵa telefon shalý nemese olarǵa belgili bir ýaqytta jeke óziniń kelý mindetterin júktei alady.
Eske sala ketsek, QR UQK Pavlodar oblysy ákimine qatysty qylmystyq is qozǵady.
