Pavlodar oblysynyń ákimi Bolat Baqaýov kópbalaly analarmen kezdesti. «Nur Otan» partiiasynyń oblystyq filialynda ótken kezdesýge úsh júzge jýyq adam qatysty, dep habarlaidy "Ult aqparat".
Óńir ákimdiginen málim etkendei, eki jarym saǵatqa sozylǵan júzdesý barysynda turǵyn úimen qamtamasyz etý, kópbalaly otbasylardy áleýmettik qoldaý máseleleri sóz boldy.
Aimaq basshysy árbir kópbalaly otbasynyń áleýmettik tólqujaty jasalatynyn aitty. Sonymen birge, ol ár kópbalaly otbasyǵa depýtattar, kásipkerler, sharýa qojalyqtarynyń basshylary arasynan demeýshiler taǵaiyndaýdy usyndy. Sondai-aq, arnaiy komissiia qurylyp, onyń quramyna kópbalaly analar da engiziledi.
Kezdesýge kelgenderdiń kópshiligi otbasymen keldi.
«Árine, Siz zańdy ózgerte almaitynyńyzdy jaqsy túsinemiz.Biz bilik organdary halyqtyń muń-muqtajyn bilsin dep keldik», - dedi tórt balany jalǵyz tárbielep otyrǵan Dinara Salyqova.
Kópbalaly otbasylardy tolǵandyratyn basty másele - járdemaqynyń kólemi.
«Tórt balaǵa men ai saiyn 10 500 teńge alamyn. Balabaqshalar baldyrǵandardy tek úsh jastan ǵana qabyldaidy. Al balaǵa beriletin járdemaqy tek bir jasqa deiin tólenedi. Bul durys emes!», - deidi ol.
Óz kezeginde oblys ákimi Dinara Salyqovaǵa osy másele boiynsha qurylatyn bastamashyl toptyń quramyna qosylyp, shtattan tys keńesshi bolýdy usyndy.
«Siz kóp balaly analardyń atynan sóilep tursyz ǵoi. Sondyqtan sizge meniń shtattan tys keńesshim bolyp, bastamashyl toptyń quramyna kirýdi usynamyn», - dedi Bolat Baqaýov.
Aimaq basshysy ózi de kópbalaly otbasynda dúniege kelip, qazirgi kezde bes bala tárbielep otyrǵanyn aitty.
«Bala kezimnen eńbekke baýlyp ósirgen ata-anama alǵysym sheksiz. Kópbalaly otbasylardyń qiyndyqtary maǵan jaqsy tanys. Biz oblystyń qalalary men aýdandarynda zertteý júrgizip, áleýmettik jaǵdaiy tómen otbasylardy anyqtaýdy bastadyq», - dedi ol.
Aimaq basshysynyń aitýynsha, mundai januialardy turǵyn úi, áleýmettik tólemderdiń kólemin arttyrý, tegin dári-dármekpen qamtamasyz etý, balabaqshaǵa ornalasý, qoǵamdyq kóliktegi jeńildikter máselesi tolǵandyrady. Oblys ákimi óńirdegi árbir kópbalaly, az qamtylǵan otbasy nazardan tys qalmaidy dep sendirdi.
Salalyq áleýmettik qorǵaý basqarmasynyń málimeti boiynsha, oblysta 8625 kópbalaly otbasy bar. Olardyń ishinde 3839 januia tórt jáne odan da kóp kámeletke tolmaǵan bala tárbielep otyr.
Óńirdegi áleýmettik osal toptardyń otbasylarynda tárbielenetin on úsh myń bala tegin ystyq tamaqpen qamtamasyz etilgen. «Mektepke jol» aktsiiasy boiynsha osy oqý jylynda on jeti myń balaǵa 150,8 myń teńgege kómek kórsetildi. Bul somanyń 63,5 million teńgesi biýdjetten tys qarajat.
«Qamqorlyq» aktsiiasy boiynsha jyl basynan beri 8738 balaǵa 77 mln teńgeniń kómegi kórsetildi, bul somanyń 27,2 million teńgesi biýdjetten tys qarajat. Aimaq basshysy atap ótkendei áleýmettik osal otbasydan shyqqan stýdent jastar da nazardan tys qalmaidy. Olarǵa tegin ystyq tamaq, 4 AEK kólemindegi jolaqynyń ótemi, jataqhanalarda tegin turý, qoǵamdyq kóliktegi 50 paiyz jeńildik sekildi qoldaý sharalary qarastyrylǵan. Sonymen birge, olarǵa jumysqa ornalasý, oqýǵa túsý jáne tegin meditsinalyq kómek alý boiynsha da qoldaý kórsetiledi.
Áleýmettik osal toptyń otbasylarynyń problemalary jergilikti ári úkimettik deńgeide sheshiletin bolady. Aimaq basshysynyń orynbasary mundai kezdesýlerdi toqsan saiyn, al oblys ákimi jarty jylda bir ret ótkizip otyrady.
