پاۆلودار وبلىسىنىڭ ەكٸمٸ بولات باقاۋوۆ كٶپبالالى انالارمەن كەزدەستٸ. «نۇر وتان» پارتيياسىنىڭ وبلىستىق فيليالىندا ٶتكەن كەزدەسۋگە ٷش جٷزگە جۋىق ادام قاتىستى, دەپ حابارلايدى "ۇلت اقپارات".
ٶڭٸر ەكٸمدٸگٸنەن مەلٸم ەتكەندەي, ەكٸ جارىم ساعاتقا سوزىلعان جٷزدەسۋ بارىسىندا تۇرعىن ٷيمەن قامتاماسىز ەتۋ, كٶپبالالى وتباسىلاردى ەلەۋمەتتٸك قولداۋ مەسەلەلەرٸ سٶز بولدى.
ايماق باسشىسى ەربٸر كٶپبالالى وتباسىنىڭ ەلەۋمەتتٸك تٶلقۇجاتى جاسالاتىنىن ايتتى. سونىمەن بٸرگە, ول ەر كٶپبالالى وتباسىعا دەپۋتاتتار, كەسٸپكەرلەر, شارۋا قوجالىقتارىنىڭ باسشىلارى اراسىنان دەمەۋشٸلەر تاعايىنداۋدى ۇسىندى. سونداي-اق, ارنايى كوميسسييا قۇرىلىپ, ونىڭ قۇرامىنا كٶپبالالى انالار دا ەنگٸزٸلەدٸ.
كەزدەسۋگە كەلگەندەردٸڭ كٶپشٸلٸگٸ وتباسىمەن كەلدٸ.
«ەرينە, سٸز زاڭدى ٶزگەرتە المايتىنىڭىزدى جاقسى تٷسٸنەمٸز.بٸز بيلٸك ورگاندارى حالىقتىڭ مۇڭ-مۇقتاجىن بٸلسٸن دەپ كەلدٸك», - دەدٸ تٶرت بالانى جالعىز تەربيەلەپ وتىرعان دينارا سالىقوۆا.
كٶپبالالى وتباسىلاردى تولعاندىراتىن باستى مەسەلە - جەردەماقىنىڭ كٶلەمٸ.
«تٶرت بالاعا مەن اي سايىن 10 500 تەڭگە الامىن. بالاباقشالار بالدىرعانداردى تەك ٷش جاستان عانا قابىلدايدى. ال بالاعا بەرٸلەتٸن جەردەماقى تەك بٸر جاسقا دەيٸن تٶلەنەدٸ. بۇل دۇرىس ەمەس!», - دەيدٸ ول.
ٶز كەزەگٸندە وبلىس ەكٸمٸ دينارا سالىقوۆاعا وسى مەسەلە بويىنشا قۇرىلاتىن باستاماشىل توپتىڭ قۇرامىنا قوسىلىپ, شتاتتان تىس كەڭەسشٸ بولۋدى ۇسىندى.
«سٸز كٶپ بالالى انالاردىڭ اتىنان سٶيلەپ تۇرسىز عوي. سوندىقتان سٸزگە مەنٸڭ شتاتتان تىس كەڭەسشٸم بولىپ, باستاماشىل توپتىڭ قۇرامىنا كٸرۋدٸ ۇسىنامىن», - دەدٸ بولات باقاۋوۆ.
ايماق باسشىسى ٶزٸ دە كٶپبالالى وتباسىندا دٷنيەگە كەلٸپ, قازٸرگٸ كەزدە بەس بالا تەربيەلەپ وتىرعانىن ايتتى.
«بالا كەزٸمنەن ەڭبەككە باۋلىپ ٶسٸرگەن اتا-اناما العىسىم شەكسٸز. كٶپبالالى وتباسىلاردىڭ قيىندىقتارى ماعان جاقسى تانىس. بٸز وبلىستىڭ قالالارى مەن اۋداندارىندا زەرتتەۋ جٷرگٸزٸپ, ەلەۋمەتتٸك جاعدايى تٶمەن وتباسىلاردى انىقتاۋدى باستادىق», - دەدٸ ول.
ايماق باسشىسىنىڭ ايتۋىنشا, مۇنداي جانۇيالاردى تۇرعىن ٷي, ەلەۋمەتتٸك تٶلەمدەردٸڭ كٶلەمٸن ارتتىرۋ, تەگٸن دەرٸ-دەرمەكپەن قامتاماسىز ەتۋ, بالاباقشاعا ورنالاسۋ, قوعامدىق كٶلٸكتەگٸ جەڭٸلدٸكتەر مەسەلەسٸ تولعاندىرادى. وبلىس ەكٸمٸ ٶڭٸردەگٸ ەربٸر كٶپبالالى, از قامتىلعان وتباسى نازاردان تىس قالمايدى دەپ سەندٸردٸ.
سالالىق ەلەۋمەتتٸك قورعاۋ باسقارماسىنىڭ مەلٸمەتٸ بويىنشا, وبلىستا 8625 كٶپبالالى وتباسى بار. ولاردىڭ ٸشٸندە 3839 جانۇيا تٶرت جەنە ودان دا كٶپ كەمەلەتكە تولماعان بالا تەربيەلەپ وتىر.
ٶڭٸردەگٸ ەلەۋمەتتٸك وسال توپتاردىڭ وتباسىلارىندا تەربيەلەنەتٸن ون ٷش مىڭ بالا تەگٸن ىستىق تاماقپەن قامتاماسىز ەتٸلگەن. «مەكتەپكە جول» اكتسيياسى بويىنشا وسى وقۋ جىلىندا ون جەتٸ مىڭ بالاعا 150,8 مىڭ تەڭگەگە كٶمەك كٶرسەتٸلدٸ. بۇل سومانىڭ 63,5 ميلليون تەڭگەسٸ بيۋدجەتتەن تىس قاراجات.
«قامقورلىق» اكتسيياسى بويىنشا جىل باسىنان بەرٸ 8738 بالاعا 77 ملن تەڭگەنٸڭ كٶمەگٸ كٶرسەتٸلدٸ, بۇل سومانىڭ 27,2 ميلليون تەڭگەسٸ بيۋدجەتتەن تىس قاراجات. ايماق باسشىسى اتاپ ٶتكەندەي ەلەۋمەتتٸك وسال وتباسىدان شىققان ستۋدەنت جاستار دا نازاردان تىس قالمايدى. ولارعا تەگٸن ىستىق تاماق, 4 اەك كٶلەمٸندەگٸ جولاقىنىڭ ٶتەمٸ, جاتاقحانالاردا تەگٸن تۇرۋ, قوعامدىق كٶلٸكتەگٸ 50 پايىز جەڭٸلدٸك سەكٸلدٸ قولداۋ شارالارى قاراستىرىلعان. سونىمەن بٸرگە, ولارعا جۇمىسقا ورنالاسۋ, وقۋعا تٷسۋ جەنە تەگٸن مەديتسينالىق كٶمەك الۋ بويىنشا دا قولداۋ كٶرسەتٸلەدٸ.
ەلەۋمەتتٸك وسال توپتىڭ وتباسىلارىنىڭ پروبلەمالارى جەرگٸلٸكتٸ ەرٸ ٷكٸمەتتٸك دەڭگەيدە شەشٸلەتٸن بولادى. ايماق باسشىسىنىڭ ورىنباسارى مۇنداي كەزدەسۋلەردٸ توقسان سايىن, ال وبلىس ەكٸمٸ جارتى جىلدا بٸر رەت ٶتكٸزٸپ وتىرادى.
