2030 jylǵa qarai syzba jasaýshylar, metall pisirýshiler, armatýrashylar, syrlaýshylar jáne ózge de mamandar qajet etilmeýi ábden múmkin. Bul týraly Energyprom.kz saitynda habarlandy.
Daǵdarys jaǵdaiynda Qazaqstanda ósim tanytyp otyrǵan salalardyń biri qurylys bolyp tabylady. 2020 jylǵy qańtar-qazan ailarynda sektordaǵy óndiris pen qyzmet kórsetý kólemi ótken jyldyń osyndai kezeńimen salystyrǵanda 10,7 paiyzǵa ósken.
Aǵymdaǵy jyldyń úshinshi toqsanynda qurylys salasynda 621,8 myń adam nemese respýblikanyń eńbekke qabiletti turǵyndarynyń 7,1 paiyzy jumys istedi. Eldegi ekonomikalyq belsendiliktiń tómendeýine bailanysty, bir jyldyń ishinde jumys isteýshilerdiń sany 3,1 paiyzǵa qysqarǵan.
Búginde qurylys salasynda jańa tehnologiialar óńdelip, jyldam qarqynmen engizilý ústinde. On-jiyrma jyl buryn bolashaq tehnologiiasy bolyp kóringenniń kóbin búginde álem boiynsha qurylys alańdarynan kórýge bolady. Tiisinshe, jańa mamandyqtar men kadrlarǵa degen qajettilik týyndap, burynǵy mamandyqtardyń qajettiligi azaiyp keledi.
Qazaqstannyń jańa mamandyqtar men quzyretter atlasynyń málimetinshe, 2035 jylǵa qarai qurylys sektorynda 16-dan astam mamandyq joiylyp ketýi múmkin. Osylaisha, mysaly, 2025 jylǵa qarai syzbashy mamandyǵy joiylýy múmkin. Qurylys nysandaryn jobalaý, sodan keiin nysandy salý úshin qajetti quramdastardy óndirý aldaǵy bolashaqta tsifrlyq jáne additivtik tehnologiialar kómegimen tolyq júzege asyrylatyn bolady.
2030 jylǵa qarai kelesi mamandyqtar joiylady: shatyrshylar, óńdeýshiler, sylaqshylar, pisirýshiler, gazdyq keskishter, armatýrashylar, qaptaýshylar jáne t.b. Al 2035 jylǵa qarai qurylysshy montajdaýshy, qurylys syrlaýshysy, syrshy, syrlaýshy jáne taǵy basqa mamandyqtar joiylady.
