2030 جىلعا قاراي سىزبا جاساۋشىلار, مەتالل پٸسٸرۋشٸلەر, ارماتۋراشىلار, سىرلاۋشىلار جەنە ٶزگە دە ماماندار قاجەت ەتٸلمەۋٸ ەبدەن مٷمكٸن. بۇل تۋرالى ەnergyprom.kz سايتىندا حابارلاندى.
داعدارىس جاعدايىندا قازاقستاندا ٶسٸم تانىتىپ وتىرعان سالالاردىڭ بٸرٸ قۇرىلىس بولىپ تابىلادى. 2020 جىلعى قاڭتار-قازان ايلارىندا سەكتورداعى ٶندٸرٸس پەن قىزمەت كٶرسەتۋ كٶلەمٸ ٶتكەن جىلدىڭ وسىنداي كەزەڭٸمەن سالىستىرعاندا 10,7 پايىزعا ٶسكەن.
اعىمداعى جىلدىڭ ٷشٸنشٸ توقسانىندا قۇرىلىس سالاسىندا 621,8 مىڭ ادام نەمەسە رەسپۋبليكانىڭ ەڭبەككە قابٸلەتتٸ تۇرعىندارىنىڭ 7,1 پايىزى جۇمىس ٸستەدٸ. ەلدەگٸ ەكونوميكالىق بەلسەندٸلٸكتٸڭ تٶمەندەۋٸنە بايلانىستى, بٸر جىلدىڭ ٸشٸندە جۇمىس ٸستەۋشٸلەردٸڭ سانى 3,1 پايىزعا قىسقارعان.
بٷگٸندە قۇرىلىس سالاسىندا جاڭا تەحنولوگييالار ٶڭدەلٸپ, جىلدام قارقىنمەن ەنگٸزٸلۋ ٷستٸندە. ون-جيىرما جىل بۇرىن بولاشاق تەحنولوگيياسى بولىپ كٶرٸنگەننٸڭ كٶبٸن بٷگٸندە ەلەم بويىنشا قۇرىلىس الاڭدارىنان كٶرۋگە بولادى. تيٸسٸنشە, جاڭا ماماندىقتار مەن كادرلارعا دەگەن قاجەتتٸلٸك تۋىنداپ, بۇرىنعى ماماندىقتاردىڭ قاجەتتٸلٸگٸ ازايىپ كەلەدٸ.
قازاقستاننىڭ جاڭا ماماندىقتار مەن قۇزىرەتتەر اتلاسىنىڭ مەلٸمەتٸنشە, 2035 جىلعا قاراي قۇرىلىس سەكتورىندا 16-دان استام ماماندىق جويىلىپ كەتۋٸ مٷمكٸن. وسىلايشا, مىسالى, 2025 جىلعا قاراي سىزباشى ماماندىعى جويىلۋى مٷمكٸن. قۇرىلىس نىساندارىن جوبالاۋ, سودان كەيٸن نىساندى سالۋ ٷشٸن قاجەتتٸ قۇرامداستاردى ٶندٸرۋ الداعى بولاشاقتا تسيفرلىق جەنە ادديتيۆتٸك تەحنولوگييالار كٶمەگٸمەن تولىق جٷزەگە اسىرىلاتىن بولادى.
2030 جىلعا قاراي كەلەسٸ ماماندىقتار جويىلادى: شاتىرشىلار, ٶڭدەۋشٸلەر, سىلاقشىلار, پٸسٸرۋشٸلەر, گازدىق كەسكٸشتەر, ارماتۋراشىلار, قاپتاۋشىلار جەنە ت.ب. ال 2035 جىلعا قاراي قۇرىلىسشى مونتاجداۋشى, قۇرىلىس سىرلاۋشىسى, سىرشى, سىرلاۋشى جەنە تاعى باسقا ماماندىقتار جويىلادى.
