Foto: kapital.kz
Aldaǵy ýaqytta elimizdegi halyqqa qyzmet kórsetý ortalyqtaryn qysqartý qarastyrylyp jatqan joq. Bul týraly Tsifrlyq damý, innovatsiialar jáne aeroǵarysh ónerkásibi vitse-ministri Áset Turysov aitty, dep habarlaidy QazAqparat.
Búgin Májilistiń jalpy otyrysynda depýtat Marhabat Jaiymbetov halyqqa qyzmet kórsetý ortalyqtarynyń bolashaǵy týraly surady.
«Elimizde bul ortalyqtardyń bolashaǵy bar ma? Kez kelgen qyzmet túrin smartfondar arqyly alyp jatyrmyz. Sondyqtan HQO-lar qyzmeti qajet bola ma?», - dep surady depýtat.
Óz kezeginde Tsifrlyq damý vitse-ministr Áset Turysov memlekettik qyzmetterdiń 20 paiyzy halyqqa qyzmet kórsetý ortalyqtary arqyly iske asyrylyp jatqanyn aitty.
«Turǵyndardyń kompiýterdi nemese basqa da qurylǵylardy meńgerý deńgeii ártúrli. Sondyqtan aldaǵy ýaqytta da adamdar halyqqa qyzmet kórsetý ortalyqtarynyń kómegine júginetini anyq. Atap aitqanda, HQO-lardy damytyp, sondai-aq «Qazposhta» júiesi arqyly memlekettik qyzmet kóresetý deńgeiin keńeite alamyz. Onlain rejimde eGov mobile, eGov arqyly qyzmet kórsetýdi jetildiremiz», - dedi vitse-ministr.
Sonymen qatar tilshiler suraǵyna jaýap berý kezinde «Azamattarǵa arnalǵan úkimet» memlekettik korporatsiiasy» kommertsiialyq emes AQ Basqarma tóraǵasy Súienish Ábdildin HQKO qyzmetkerlerin qysqartý qarastyrylmaǵanyn aitty.
«Biyl shildeden bastap qyzmetkerlerdiń jalaqysyn 50 paiyzǵa ósirdik. Jalpy, mamandardy qysqartý máselesi kóterilgen joq», - dedi ol.
