«Nur Otan» partiiasy tóraǵasynyń birinshi orynbasary Máýlen Áshimbaev aýyl jastaryna aǵylshyn tilin qalai úiretenin málim etti, dep habarlaidy Baq.kz tilshisi.
«Rýhani jańǵyrý» baǵdarlamasy aiasynda birneshe joba júzege asyrýdy josparlap otyrmyz. Atap aitqanda, aýyl jastarynyń básekege qabilettiligin attyrý úshin olarǵa aǵylshyn tilin úiretemiz. Iaǵni aýyldarda aǵylshyn tilin úirenýge múmkindik jasaimyz. Bolashaqta aǵylshyn tilin bilmese, erteń jaqsy jumysqa ornalasý barysynda qiyndyqtar bolýy múmkin. Osy maqsatta, aýyldyq jerlerde aǵylshyn tilin úiretetin klýbtardy ashýdy josparlap otyrmyz», - dedi ol.
Osy oraida Máýlen Áshimbaev aýyl jastaryna aǵylshyn tilin kimder úiretenin aitty.
«Bul jumysty da «Atameken» UKP jáne memlekettik organdarmen birge júzege asyramyz. Bul klýbtarǵa biz volonter retinde shetelden 500-den astam aǵylshyn tilinde sóileitin jas azamatty tartamyz. Sondai-aq jobaǵa Qazaqstanda aǵylshyn tilin úirenip júrgen stýdentter de qatysady. Olar kezeń-kezeńimen osy klýbtarda aýyl jastaryna aǵylshyn tilin úiretedi. Volonterlar aqysyz jumys isteidi», - dedi «Nur Otan» partiiasy tóraǵasynyń birinshi orynbasary.
Sóz sońynda ol atalǵan jobaǵa qatysty keibir suraqtar áli pysyqtalyp jatqanyn atap ótti.
«Volonterlardy qalai shetelden alyp kelemiz? Olarlyń áleýmettik máselelerin qalai sheshemiz?» degen suraqtardy biz pysyqtap jatyrmyz. Naqty josparymyz bar», - dep túiindedi sózin Máýlen Áshimbaev.
