Aqordada QR Memlekettik hatshysy Gúlshara Ábdiqalyqovanyń tóraǵalyǵymen shetelde kadrlar daiarlaý jónindegi respýblikalyq komissiianyń otyrysy ótti, dep habarlaidy QazAqparat tilshisi.
«Elbasy Nursultan Ábishuly Nazarbaev «Tórtinshi ónerkásiptik revoliýtsiia jaǵdaiyndaǵy jańa múmkindikter» atty biylǵy Joldaýynda adam kapitalyn damytý máselesine basa nazar aýdarǵan bolatyn. Osy oraida biz «Bolashaq» baǵdarlamasynyń múmkindikterin barynsha paidalanýymyz qajet», - dedi G.Ábdiqalyqova.
Otyrys barysynda QR Bilim jáne ǵylym ministrliginiń esebi tyńdaldy. Komissiia músheleri 76 adamǵa «Bolashaq» stipendiiasyn taǵaiyndaýdy uiǵardy. Olardyń barlyǵy álemniń úzdik ýniversitetterinde magistratýra men doktorantýra boiynsha bilim alyp, kásibi taǵylymdamadan ótetin bolady. Budan bólek, otyrysta stipendiiadan aiyrylǵandardyń máselesi qaraldy.
Aita keteiik, aldaǵy bes jylda «Bolashaq» baǵdarlamasyna birqatar ózgerister engiziledi. Atap aitqanda, kvotalyq kategoriialardy alyp tastaý josparlanǵan. Budan bólek, naqty mamandyqtarǵa basymdyq beriletin bolady.
.jpeg)