«Bolashaq» stipendiiasy iegerleriniń tizimi jariialandy, dep habarlaidy "Ult aqparat".
Eske sala keteiik, búgin QR Memlekettik hatshysy Gúlshara Ábdiqalyqovanyń tóraǵalyǵymen Shetelde kadrlardy daiyndaý jónindegi respýblikalyq komissiianyń otyrysy ótken bolatyn.
«Elbasy Nursultan Nazarbaev «Memlekettiń barlyq bastamalary halqymyzdyń turmys deńgeiin jaqsartýǵa baǵyttalǵan. Jurttyń sapaly bilim alyp, suranysqa ie mamandyǵy men laiyqty jumysy bolǵanda ǵana ál-aýqatymyz artady», dep jaqynda Joldaýynda atap ótti. Osy maqsatta biz «Bolashaq» baǵdarlamasymen de jumys isteimiz. Ózderińiz bilesizder, jazǵy konkýrs kezinde barlyǵy 413 stipendiia taǵaiyndaldy. Endi búgin biz jańa túsken aryzdardy qaraimyz», - dedi otyrysty ashqan Memlekettik hatshy.
Komissiia sheshimimen 2019 jylǵa arnalǵan basym mamandyqtar tizimi bekitilgen. Onda 155 mamandyq bar. «Bolashaq» halyqaralyq stipendiiasy aiasynda taǵlymdamadan ótý úshin belgilengen sanattar anyqtaldy. 2019 jylǵa 555 stipendiia bekitilgen. Stipendiia magistratýra men doktorantýrada oqýǵa, álemniń jetekshi ǵylymi jáne óndiris ortalyqtarynda taǵlymdamadan ótýge jiberiletin 71 úmitkerge taǵaiyndaldy.
«Bolashaq» stipendiiasy iegerleriniń tizimimen myna jerde tanysa alasyz.
