kórneki sýret
«Bolashaq» baǵdarlamasynyń stipendiattaryna Dúniejúzilik densaýlyq saqtaý uiymy maquldaǵan vaktsinalarǵa qoljetimdilik qamtamasyz etildi. Bul másele Bilim jáne ǵylym ministrliginiń ótinishi boiynsha koronavirýstyq infektsiianyń paida bolýy men taralýyna jol bermeý jónindegi vedomstvoaralyq komissiianyń otyrysynda qaraldy, dep habarlaidy vedomstvonyń baspasóz qyzmeti.
Nátijesinde VAK stipendiattardy DDU maquldaǵan vaktsinamen vaktsinatsiialaýǵa ruqsat berdi.
Osyndai sheshimniń arqasynda «Bolashaq» stipendiiasynyń iegerleri DDU maquldaǵan vaktsinalardy alǵan kezde ǵana kirýge ruqsat etilgen elderge kedergisiz bara alady.
Esterińizge sala keteiik, 2021 jyldyń 8 qarashasynan bastap AQSh-qa DDU maquldaǵan vaktsinalar alǵan adamdarǵa ǵana kirýge ruqsat etiledi. Bul tizimge Pfizer-BioNTech, Moderna, Johnson&Johnson, AstraZeneca, Covishield, BIBP/Sinopharm, Sinovac vaktsinalary kiredi. Uqsas erejeler Avstraliiaǵa jáne birqatar basqa elderge kirý úshin de qoldanylady.
«Avstraliiaǵa, Kanadaǵa, Jańa Zelandiiaǵa, AQSh-qa jáne Japoniiaǵa oqýǵa nemese taǵylymdamadan ótýge baratyn «Bolashaq» stipendiattarynyń oqýlaryna kedergi keltirmeý úshin BǴM DSM-ge DDU maquldaǵan vaktsinany berý múmkindigin qaraý týraly hat joldady. Atalǵan elderdiń aýmaǵyna kirý úshin DDU maquldaǵan preparattardyń eki dozasymen tolyq vaktsinatsiialaý qajet ekenin atap ótken jón. VAK bizdiń usynysymyzdy qoldady. Nátijesinde BIBP/Sinopharm vaktsinasyn alýǵa ruqsat berildi», — dedi QR Bilim jáne ǵylym vitse-ministri Qýanysh Erǵaliev.
